Fakte skandaloze/ Zbardhet lidhja e Ardian Dvoranit me vëllain e Xhafajt

29 Korrik 2018, 09:00, Aktualitet CNA

Deputeti i Partisë Demokratike, Gent Strazimiri në një deklaratë për mediat ka ?sulmuar? gjykatësin e Gjykatës së Lartë Ardian Dvorani duke e quajtur atë simbol të drejtësisë së kalbur.

Strazimiri ka thënë se Dvorani duhet të ishte shkarkuar nga detyra dhe jo të konfirmohej sërish, pasi sipas tij ai ka lidhje me vëllain e ministrit të Brendshëm Fatmir Xhafaj, i cili është dënuar me burg si anëtar i një organizate kriminale dhe trafikant ndërkombëtar droge.

Në përfundim të deklaratës së tij Strazimiri ka thënë se konfirmimi i tij në detyrë është iniciuar nga kryeministri Rama dhe ai është shërbëtor i tij.

Deklarata e plotë e deputetit Gent Strzaimiri:

Ardian Dvorani, gjyqtari simbol i drejtësisë së kalbur nga korrupsioni dhe lidhjet me krimin e organizuar, i konfirmuar në detyrë nga organet e vettingut, është marrë nën mbrojtje publike nga tutori i tij Edi Rama për të kaluar në heshtje faktet që provojnë se ai duhet të ishte shkarkuar nga detyra.

Partia Demokratike pyeti dy ditë më parë, nëse organet e vettingut e kishin verifikuar faktin e kontaktit të papërshtatshëm të Ardian Dvoranit, mikut të Fatmir Xhafajt me vëllanë e tij Agron Xhafaj, i dënuar me burg si anëtar i një organizate kriminale dhe trafikant ndërkombëtar droge.

Duke mos marrë përgjigje mbi këtë fakt, sot Partia Demokratike pyet përsëri dhe drejtpërdrejtë organet e vettingut:

Organet e vettingut kanë detyrimin të japin përgjigje mbi këto pyetje dhe të sqarojnë opinionin publik, nëse i kanë verifikuar këto fakte dhe si i kanë verifikuar ato.

Ardian Dvorani u konfirmua në detyrë, duke patur në dosje edhe shërbimin që i bëri Edi Ramës me vendimin e tij lidhur me çështjen e sekuestrimit të pasurive të paligjshme të baronit të drogës Klement Balili.

Ndërsa 26 mijë qytetarë presin në rradhë prej vitesh që çështjet e tyre të shqyrtohen, çështja e pasurive të Balilajve u mor në shqyrtim nga Gjykata e Lartë pa kaluar 1 muaj nga data e saj e regjistrimit, duke favorizuar familjen Balilaj.

Këto dhe fakte të tjera, të bëra publike nga Partia Demokratike për:

provojnë qartë se për shërbëtorin e Edi Ramës, Ardian Dvorani, organet e vettingut kanë realizuar një proces farsë.

Heshtja e shërbëtorit dhe e tutorit të tij politik, heshtja e organeve të vettingut për këto fakte veçse e rrënon besimin e qytetarëve tek procesi i vetingut, i cili po mban në sistem gjyqtarë të korruptuar dhe të lidhur me krimin e organizuar. /CNA.al