web counter
LEXO PA REKLAMA!

SHKARKO APP

App Store
Google Play

E fundit!

x

Skandalet e Komisionit të Vettingut/ “Koka e Zaganjorit” në duar të  Edi Ramës dhe Vilma Nushit?!

29 Korrik 2018, 08:47, Aktualitet CNA

Me 24 korrik 2018, kryetari i Gjykatës së Lartë Xhezar Zaganjori u konfimua në detyrë. Thënë ndryshe Zaganjori kaloi Vettingu.

Në fakt, kalimi i tij, nga KPK-ja nuk pritej për shkak të probelemeve që ishin gjetur në dosjen e tij.

Por, megjithëse  pati dyshime për kalimin e tij në këtë proces,  për shkak të pasurisë prej 1 miliard lekësh, KPK, e nxori të pastër në të tre shtyllat e vlerësimit.

Në  fakt dyshime për mënyrën se si Zaganjori kaloi Vettingun ka edhe ONM.

Në media është raportuar, se Operacioni Ndërkombëtar i Monitorimit, ka marrë në dorë dosjen e Zaganjorit, ku do të shqyrtohet imtësisht disa dokumente relevante.

Më pas ONM ka të drejtën e apelimit, sipas Ligjit të Vettingut.

Me dyshimet  që ka ONM, i bie që Zganjori të jetë sërish me njërën këmbë në Vetting.

Në këto rrethana, telashet me Vettingun duket se nuk kanë përfunduar me Zganjorin, por pyetja që lind, është se a do të jetë sërish e vetmja rrugë e shpëtimit të tij, Edi Rama me Vilma Nushin?

Kjo dyshohet se është rruga që e shpëtoi Zaganjorin nga Vettingu, nëpërmjet vendimit të Komisionit të Pvarur të Kualifikimit.

Lidhja e Zaganjorit me Ramën  doli në pah, që në vitin 2012, kur ai ishte kandidat për President.

Në tryezën e negociatave mes kampeve politike në vitin 2012, Xhezair Zaganjori ishte kandidati kryesor dhe si i tillë u dorëzua në zyrën e Edi Ramës.

?Rama e pranoi si kandidaturë atëherë,  por tha,- ?se nuk kishte  gjë me Xhezair Zaganjorin, por se kërkonte një proces politik dobiprurës, në funksion të kalimit të provës shumëplanëshe, ku ishte vënë Shqipëria dhe politika shqiptare për  zgjedhjen e Presidentit të ri të Republikës?, ka shkruajtur më herët CNA.al.

Lidhja e tij me Ramën, dyshohet se është përforcuar më tej dhe nga familjarë të tij, siç është  Vilma Nushi.

Vilma e Check Up-it, ka lidhje familjare me Xhezair Zganjorin, pasi, ky i fundit është kunati i  saj.

Kujtojmë se  Nushi, në vijimësi është  është akuzuar nga Partia Demokratike, se falë lidhjeve të forta me Edi Ramën, po përfiton miliona euro nëpërmjet konçensionit ?Check Up? në Shëndetësi.

ONM, e cila po mbikqyr hap hap pas hapi procesin e Vettingut, duket se nuk do ta lërë me kaq rastin e Zaganjorit.

Rasti pritet të kalojë në Komisionin e Posaçëm të Apelimit, por nuk dihet se sa të hapura i ka dyert edhe ky Komision për lidhjet e Zganjorit, Edi Ramën dhe Vilma Nushin.

Shkeljet e Zaganjorit

Gjatë seancës dëgjimore të 20 korrikut me kreun e Gjykatës së Lartë, trupa gjykuese u shpreh se Zaganjori nuk kishte burime të ligjshme pasurie si dhe kishte shmangur taksat në shtet.

Gjyqtari Zaganjori ka në pronësi një apartament 293 m2 në bashkëpronësi me bashkëshorten, me vlerë 5.8 milionë që ka si burim shitjen e një apartamenti; një dyqan me vlerë 1.4 milionë lekë të blerë nga të ardhurat personale dhe të qirasë; zyrë me sipërfaqe 15 metra katrorë; bodrum 65 m2 me vlerë 800 mijë lekë; si dhe një apartament 81 m2 në lagjen 13, në plazhin e Durrësit, blerë në vitin 2006 për 32 mijë dollarë. Por krahas këtyre, gjyqtari Zaganjori posedon dhe një sërë llogarish bankare brenda dhe jashtë vendit.

?Me qëllim vlerësimin e fakteve dhe të dhënave njoftojmë të dhënat e gjetura. Lidhur me apartamentit 293 m2 që subjekti ka deklaruar se është blerë 5.8 milionë nga ZVRP Tiranë është konfirmuar pasuria me vlerë 500 mijë leke. Të dhënat janë kontradiktore. Në deklaratën veting vlera e apartamentit është deklaruar 5 mln leke dhe në deklaratat e tjera 7 mln leke.

Në përgjigje të pyetjeve subjekti ka deklaruar se ka shpenzuar vlerën e 9 mln lekëve. Subjekti ka deklarata kontradiktore. Ka shmangie të detyrimeve tatimore?, u shpreh relatorja e çështjes Pamela Qirko./CNA.al





Lajmet e fundit nga