web counter
LEXO PA REKLAMA!

SHKARKO APP

App Store
Google Play

Reforma në Drejtësi/ Shehi tregon pse opozita "sulmon" procesin e Vettingut

29 Korrik 2018, 08:40, Aktualitet CNA

Procesi i Vettingut është komentuar nga kreu i LZHK-së Dashamir Shehi në një intervistë për gazetën ?SOT?.

Sipas Shehit ky proces është i njëanshëm dhe i turpshëm dhe për këtë arsye opozita e sulmon vazhdimisht.

?Procesi i vetingut deri më tani është marrë vetëm me një çështje siç është verifikimi i pasurisë. Dhe për mendimin tim kjo është e pamjaftueshme për të gjykuar sistemin e drejtësisë, një e para e punës. Ndërsa e dyta, vetingu ka filluar të japë shenja e një si të thuash njëanshmërie.

Sepse çuditërisht na dalka që të gjithë të majtët na paskëshin qenë ku e di unë të ndershëm, pra që kalojnë vetingun. Ndërsa pala tjetër që etiketohet si e opozitës, rezulton se nuk e kalon, madje nuk ka shanse për ta kaluar kurrë. Kështu që procesi po fillon të bëhet i turpshëm?, ka thënë ndër të tjera Shehi.

Më tej ai ka thënë se shpreson që në këtë process të bëhet një kthesë, pasi nëse vazhdon në të njëjtën linjë do të humbë vlerën e tij.

?Megjithatë, unë uroj që të bëhet ndonjë kthesë dhe trupa e Komisionit të Pavarur të Kualifikimit të reflektojë nga vjeshta. Sepse me këtë lloj njëanshmërie do të bëhet aq e turpshme sa që procesi i rivlerësimit pasandaj do ta humbë vlerën. Madje, do të bëhet proces i pabesueshëm. Ditën që do të bëhet i pabesueshëm me veting, apo pa veting do të rikthehemi tek pika e parë. Pra anëtarët e vetingut po vetë konsumohen me këtë dëshirë që po bëhen servilë të qeverisë. Ata janë zgjedhur aty për të bërë një punë krejt tjetër. Kanë marrë rroga dhe benefite për të ushtuar profesionin në mënyrë objektive dhe racionale?.

Në përfundim Shehi është shprehur ?kjo që po bën sot KPK-ja tingëllon keq jo vetëm për njerëzit e jurisprudencës por edhe për qytetarët e thjeshtë, pra e turpshme. Vetingu i sotëm është as më pak dhe as më shumë por një ?luftë klasash?. / CNA.al





Lajmet e fundit nga