web counter
LEXO PA REKLAMA!

SHKARKO APP

App Store
Google Play

Reforma zgjedhore/ Shehi zbulon pikën kritike ku ndodhet procesi

29 Korrik 2018, 08:03, Aktualitet CNA

Kreu i LZHK-së Dashamir Shehi në një intervistë për gazetën ?SOT? ka komentuar ndër të tjera edhe reformën zgjedhore.

Sipas tij reforma zgjedhore ndodhet në një fazë kritike, pasi deri sot nuk ka dhënë asnjë rezultat konkret, ndërsa ka ngritur problemin se Komisioni është i fokusuar më së shumti tek idetë teorike sesa ato praktike.

?Për të qenë i sinqertë me ju, reforma zgjedhore nuk ka dhënë as edhe një gjë. Deri më tani komisioni i reformës është në një fazë diskutimesh, ku bien në sy më shumë diskutime dhe ide të natyrës teorike se sa konkrete apo praktike. Një draft ligj nuk e kemi akoma përpara. Nga ana tjetër afati ligjor i komisionit pothuajse ka mbaruar, pasi ishte deri në fund të korrikut. Sigurisht që do të ketë shtyrje të zgjatjes së punës së komisionit. Por ritmet e komisionit sa i takon progresit dhe punës për të cilën ai duhet të bëjë janë shumë të vogla. Rritmi i punës së komisionit është i ulët, rezultate konkrete nuk ka?.

Më tej Shehi ka thënë se ndjehet i zhgënjyer e pesimist nga ky proces, por ka theksuar se shpreson që vjeshta të shënojë një kërcim cilësor në këtë reformë.

?Megjithatë, shpresojmë që në vjeshtë të ketë një kërcim cilësor, pasi në të kundërt si gjithmonë reformën dhe ligjin e ri zgjedhor ta bëjmë dy muaj para zgjedhjeve. Nga ana tjerë besoj se do të merren parasysh edhe kërkesat e partive të vogla. Deri më sot me thënë të drejtën jemi të zhgënjyer dhe pesimist sa i takon miratimit të reformës zgjedhore?,- është shprehur Shehi. / CNA.al

 





Lajmet e fundit nga