E fundit!

09:16 Kronika

Shpërthen tritoli në Lezhë

Një shpërthim me tritol ka ndodhur në Lezhë në orët e para...

Fotot-Jahtet luksozë në Shqipëri dhe në botë/ Tendenca e fundit e milionerëve

28 Korrik 2018, 19:36, Aktualitet CNA

Të pasurit e botës tashmë po jetojnë në luks jo vetëm në tokë, por edhe në det. Përdorimi i jahteve luksoze, nga viti në vit ka filluar të shndërrohet në një biznes tepër fitimprurës për pronarët e këtyre të fundit, që i japin ata me qira marramendëse.

Së fundi, mediat e huaja kanë zbuluar një listë me 10 jahtet (yachtet) më luksoze të planetit, të cilët jepen me qira nga pronarët e tyre. Do të shihni anije fantastike, në të cilat mbizotëron luksi dhe shija e lartë në ndërtimin e tyre. Në krye të listës qëndron jahti Maltese Falcon, i konsideruar si jahti më elegant që është ndërtuar ndonjëherë. Çmimi i këtij jahti për 1 javë është 350 mijë euro. Jahtet po rriten gjithnjë e më shumë në përmasa. Dhe sa më të mëdhenj të jenë aq më mirë është.

Jahti më i madh në botë është akoma në ndërtim e sipër. ?Eclipse?, i cili do kushton 300 milionë dollarë ne pronesi te miliarderit rus, Roman Abramovich. Padyshim që të pasurit e tjerë të globit, do të bëjnë të pamundurën që jahtet e tyre të rinj t?ia kalojnë në madhësi këtij gjiganti. Përveç madhësisë super, të pasurit kanë gjithnjë e më shumë për aksesorët që do pajisin jahtet e tyre. Këto përfshijnë fusha basketbolli, studio muzikore dhe nëndetëse.

Vendet

Kush nuk e përfytyron veten mes plazheve të pabanuara me rërë të bardhë, të mbështjella nga uji i bruztë dhe me valët që përplasen në bregun shkëmbor në ditë të nxehta vere. Kjo është një nga ëndrrat më të bukura në dritën e diellit, dhe ja pse ju ofrojmë mundësinë të mos i përfytyroni më, por të keni një ide se cilat janë me të vërtetë ato dhe ta imagjinoni veten brenda fotografive. Nëse doni të dini se cilat janë plazhet më të bukura dhe të vlerësuara nga pushues e turistë të shumtë pranë vendit tonë, atëherë lexoni 10 vendet turistike europiane, ideale për të kaluar pushimet. Për fat të mirë, pjesa më e madhe prej tyre ndodhen pranë nesh, si Spanjë, Francë, Qipro dhe Maltë.

Nëse ka qenë gjithmonë dëshira juaj për të vizituar Spanjën, atëherë nuk keni si të mos vizitoni plazhin e Ibizës, këtij qyteti shkëmbor të rrethuar nga pisha të gjelbërta. Thonë se Ibiza nuk fle asnjëherë, prandaj nëse ndiheni mjaft energjikë këtë verë, mos u mendoni dy herë për të shkuar. Ndër ishujt e tjerë po kaq të famshëm sa i fundit, por ku të keni rastin të shplodheni janë ishulli më i madh dhe më i vogël në Spanjë, Majorka dhe Minorka.

Ndër ishujt e sugjeruar të Francës janë Villefranche dhe Korsika, të njohura për gjelbërimin me agrume dhe plazhin tropikal me rërë të bardhë dhe shkëmbinj. Aktivitete janë të panumërta kudo që të shkoni. Gati të gjitha mund t?i bëni. Pse të mos provoni peshkimin, pa harruar lundrimin me barkat e vogla vendase apo jahtet luksoze. Ndër aktivitetet më të preferuara e të guximshme janë zhytja, përmes së cilave mund të eksploroni një tjetër botë të fshehur në thellësi. Parashutizmi, ku mund të fluturoni nga majat e larta të shkëmbinjve dhe të admironi panoramën e këtyre mrekullive në lartësi. Për turistët më të qetë, janë aktivitetet e shëndetshme si ekskursionet në pyjet e dendur e gjithmonë të gjelbër dhe guidat në qytetet antike.

1- Maltese Falcon. Çmimi për 1 javë është 350 mijë euro.

2- Xanadu. Çmimi për një javë është duke filluar nga 250 mijë euro.

3- Sherakhan. Çmimi për një javë është duke filluar nga 360 mijë euro.

4- Candyscape. Çmimi për një javë është 165 mijë euro.

5- Talitha G. Çmimi për një javë është 280 mijë euro.

6- Parsifal III. Çmimi për një javë është duke filluar nga 198 mijë euro.

7- Christina O. Çmimi për një javë është duke filluar nga 455 mijë euro.

8- Hamilton II. Çmimi për një javë është duke filluar nga 53 mijë euro.

9- Senses. Çmimi për një javë është duke filluar nga 260 mijë euro.

10- 40 Signature Series. Çmimi për një javë është duke filluar nga 1 875 mijë euro.

Pozicionin e parë në botë për numrin e jahteve të ankoruara e mban aktualisht Italia, me rreth 199 copë të tilla të shpërndara në portet e vendit. Pas tij ndjek Franca (147), SHBA (143), Greqia (106) dhe Spanja (92).

Ndërkohë, edhe zhvillimi i turizmit në rajon ka bërë që në listë të klasifikohen edhe vende si Kroacia e Mali i Zi, të cilat ankorojnë përkatësisht 35 dhe 21 jahte luksoze ndërkombëtare.

Madje Kroacia me 35 jahte, tejkalon numrin e anijeve lundruese të këtij klasifikimi në Monaco, një prej vendeve më të pasura të botës.

Të ankoruara aktualisht ne Shqiperi, në Portin e Limjonit në Sarandë , ditën e sotme ishin dy jahte që lundrojnë me flamurin e Maltës, ?Ocean?s Four? dhe ?Elisabet?. Të dyja këto jahte mund të akomodojnë deri në 10 persona, krahas ekuipazhit, dhe janë të pajisura dhe nga 5 kabina secila. Ato konsiderohen shumë luksoze dhe kanë pasur dizajnera të veçantë të kujdesen për arredimin e tyre.

?Ocean?s Four? është i prodhuar nga kompania prestigjioze italiane ?Sanlorenzo Yacht?, ndërsa ?Elisabet? prodhuar nga ?Ocea Motor? përfshin edhe një pistë të vogël për uljen e helikopterëve. Të dyja pas qëndrimit në Sarandë janë drejtuar për në ishullin e Korfuzit.

Në Sarandë ndodhet aktualisht ?Sailing Yacht A? në pronësi të miliarderit rus Andrey Melnichenko, i cila kushton 360 milionë paund. Ky mjet lundrues klasifikohet në kategorinë e superjahteve dhe direkët e tij arrijnë lartësinë e 91 metrave, më të larta se kulla Big Ben në Londër. Gjatësia e shtrirë e këtij jahti arrin në 143 metra dhe akomodon 20 të ftuar dhe një ekuipazh prej 54 vetash.

Aktualisht, ky superjaht lundron me flamurin e Bermudas dhe është një nga më të veçantit në botë për nga dizajni, për të mos u humbur nga ata që ndodhen për momentin në Sarandë.

Duke u ankoruar në portin e Sarandës janë edhe jahti turk ?Seher-1?, ndërtuar më 1993 dhe rinovuar në 2008; si edhe superjahti ?Trinakria?, ndërtuar në vitin 1927 dhe rinovuar në 2015. Qiraja javore e ?Trinakria? 49 metra e gjatë dhe që akomodon 8 të ftuar është 70 mijë euro. Aktualisht, ajo lundron me flamurin e Shën Vinsent dhe Grenadinës.

Për vizitë në Shqipëri prej datës 23 Korrik është edhe jahti me vela ?Graskarpfen?, i cili ka dhe një blog ku mund të gjeni përshtypjet e pronarëve për Sarandën, Butrintin dhe Gjirokastrën

Në drejtim të Shqipërisë duket se është edhe jahti me flamur italian ?Ohana? me gjatësi 50 metra, ndërsa duke lundruar në territorin ujor shqiptar është mjeti lundrues me vela ?Shalan? me flamur maltez, i cili megjithatë nuk klasifikohet si jaht.