E fundit!

09:39 Aktualitet

Përshkallëzojnë përplasjet në protestë/ Hidhet ujë me presion drejt protestuesve

Vijojnë tensionet në protestën para Kuvendit dhe përplasje...

"Vettingu godet në kokë oktapodin e korrupsionit"/ Përplasen Rama dhe Basha

29 Korrik 2018, 07:28, Aktualitet CNA

Tensionet mes forcave politike në vendin tonë po shtohen çdo ditë e më shumë. Kohët e fundit nuk kanë qenë të pakta akuzat e partive opozitare kundër procesit të vetingut dhe reformës në drejtësi, por nuk kanë munguar as kundërpërgjigjet e mazhorancës qeverisëse.

Në seancën e fundit parlamentare Partia Demokratike doli me një propozim, ku kërkonte rrëzimin e reformës në drejtësi, shkruan “SOT”. Por socialistët këtë propozim e konsideruan si një tregues frike, ndërsa vijuan t?i thurin ?lavde? procesit të deritanishëm të vetingut. Sakaq, ?sherri? i ditës së djeshme nisi po për të njëjtën arsye. Ishte deputetja e Partisë Demokratike, Izmira Ulqinaku ajo e cila në orët e paradites ?provokoi? në një deklaratë për mediat, duke akuzuar partinë qeveritare se po ndërhyn në procesin e vetingut. Pas pak erdhi edhe reagimi i kryeministrit Edi Rama. Ai zgjodhi rrjetet sociale për të deklaruar se reforma në drejtësi do të vijojë punën e saj duke arritur edhe goditjen e pushtetarit më të lartë të korruptuar.

Ai ?thumboi? opozitën, duke theksuar se sa herë procesi i vetingut shkarkon një gjyqtar a prokuror, ajo nis reagimet dhe sulmet. Rama i cilëson opozitarët si humbës. ?Vetingu vijon të godasë me sukses në kokë oktapodin e korrupsionit degjenerues në drejtësi. Po për fatkeqësinë e zgjedhësve të saj që e mbështesin vetingun, njësoj si gjithë qytetarët, e për turpin e saj më të madh, opozita hidhet përpjetë pas çdo goditje. #HumbësPaPikëDinjiteti?, deklaroi kryeministri Edi Rama dje.

Ndërsa kryetari i Partisë Demokratike, Lulzim Basha vendosi t?i kundërpërgjigjej deklaratave të kryeministrit Edi Rama vetëm pak momente më pas. Po përmes një reagimi në rrjetet sociale, ai e quajti Ramën si kokën e oktapodit të drejtësisë. Sipas tij, kreu i qeverisë ka kapur të gjitha institucionet e drejtësisë me qëllim që të mbrojë politikanët e tij të korruptuar.

?Edi Rama është Koka e Oktapodit të Drejtësisë që mbron dhe nuk ndëshkon politikanët e korruptuar e të lidhur me krimin. Për të mbrojtur Tahirin, Xhafajn, Roshin, Frrokun, Dakon, Sejdinin, dhe Gjiknurin me shokë, Edi Rama kapi Prokurorin e Përgjithshëm dhe zhduku Gjykatën Kushtetuese dhe Gjykatën e Lartë?, tha Lulzim Basha.

Por përveç politikanëve, sipas liderit demokrat, Edi Rama është shndërruar në një ?mburojë? edhe për disa gjyqtarë e prokurorë që e ndihmojnë në aferat e tij.