E fundit!

19:16 Aktualitet

Për rreth një muaj çdo ditë në shesh/ Mbahet protesta e 28-të kundër qeverisë

Ka nisur protesta e 28-të kundër qeverisë. Ashtu si në dit...

Persekutor të diktarurës në gjyqësor?/ PD sjell faktet

28 Korrik 2018, 10:43, Aktualitet CNA

Pas konfirmimit në detyrë të gjyqtarit Ardian Dvorani ka reaguar Partia Demokratike.

Në një deklaratë për mediat, deputetja izmira Ulqinaku e ka quajtur atë shërbëtor të Edi Ramës në Gjykatën e Lartë dhe simbol të persekutorit politik të diktaturës në sistemin e ri të drejtësisë.

Ulqinaku ka kujtuar se me 13 Dhjetor 1990 me akuzën ?për akte terroriste kundër pushtetit popullor?, Dvorani ka kërkuar dënimin me 15 vjet burg të shkodranëve që rrëzuan bustin e Enver Hoxhës.

Deklaratë e deputetes Izmira Ulqinaku

Konfirmimi në detyrë nga organet e vettingut i Ardian Dvoranit, shërbëtorit politik të Edi Ramës në Gjykatën e Lartë, nuk ishte thjesht një lajm i keq për Reformën në Drejtësi, duke i vënë vettingut vulën e një procesi politik.

Ardian Dvorani, simbol i korrupsionit financiar dhe politik në sistemin e drejtësisë, me 100 milionë lekë pasuri të padeklaruar apo me, të paktën, 3 shtëpi të privatizuara në kushtet e konfliktit të pastër të interesit, simboli i gjyqtarit që nuk zbaton vendimin e Gjykatës Kushtetuese për mbarimin e mandatit të tij, është edhe simbol i persekutorit të regjimit komunist në sistemin e ri të drejtësisë.

Shkodranët e njohin mirë prokurorin e diktaturës Ardian Dvorani, por çdo qytetar tjetër ka të drejtë ta dijë se Ardian Dvorani është një shërbëtor i vjetër i Partisë së Punës sa herë ajo ka qenë në pushtet, në diktaturë dhe më demokraci,me emrin Partia Socialiste apo Rilindje!

Ardian Dvorani ka qenë prokurori që, 1 ditë, pas krijimit të partisë së parë opozitare në vend, pas 45 vitesh diktaturë, akuzoi për terrorizëm dhe kërkoi 15 vjet për shkodranët që rrëzuan bustin e Enver Hoxhës.

Më 13 Dhjetor 1990 me zellin e shërbëtorit ndaj Partisë, Ardian Dvorani, akuzoi qytetarët e pafajshëm shkodranë, që kërkonin demokraci, për ?akte terroriste kundër pushtetit popullor?.

Ardian Dvorani, që sot ka kaluar vettingun dhe i shërben Edi Ramës më Gjykatën e Lartë, 28 vjet më parë kërkonte dënimin me 15 vjet burg për ?armiqtë e popullit?, për aktin heroik të hedhjes së bustit të diktatorit në Shkodër.

Qytetarët që kanë vuajtur nga persekutimi i prokurorit politik të diktaturës, Ardian Dvorani, janë ende gjallë dhe janë dëshmi ulëritëse sesi Edi Rama po mban në sistem shërbëtorët e diktaturës më të egër në Europë.

Ardian Dvorani është simbol i kalbjes së sistemit të drejtësisë në vend.

Nëse organet e vettingut nuk do te ishin të korruptuara politikisht, sot Ardian Dvorani duhet të ishte përjashtuar nga sistemi i drejtësisë për mungesën e integritetit moral dhe profesional, pasi një shërbëtor i zellshëm i diktaturës deri në grahmat e fundit të saj, nuk mund të jetë i denjë dhe nuk mund të japë drejtësi në një sistem demokratik. /CNA.al