web counter
LEXO PA REKLAMA!

SHKARKO APP

App Store
Google Play

Basha i dha miliona euro firmës koncesionare të Teatrit

28 Korrik 2018, 10:25, Aktualitet CNA

Kreu i Partisë Demokratike Lulzim Basha, gjatë kohës që ka udhëhequr Bashkinë e Tiranës, i ka dhënë kompanisë ?Fusha? 6 milion euro. Kjo shumë i është dhënë nga Basha, kompanisë ?Fusha?, për pastrimin e kryeqytetit dhe ndërtimin e sheshit ?Skënderbej?. Kompania e cila sot, po akuzohet nga Basha si kompani guaskë, që sipas tij po përdoret nga Qeveria dhe Edi Rama për pastrim Parash, ka marrë miliona euro dikur prej tij.

Gjatë një bashkëbisedimi me gazetarët, Basha është pyetur se çfarë ka ndryshuar në qeverisjen e Tiranës, në bashkëpunimin me Kompaninë “Fusha”, nga koha kur ai drejtonte Bashkinë. Basha ka pranuar se i ka dhënë tendera kompanisë ?Fusha?, po justifikimi i tij ka qenë epik, duke thënë se nuk i ka dhënë leje për kulla.

?Dy gjëra kanë ndryshuar të cilat ai që interesohet për këtë i di fare mirë. E para është se ?Fusha? ishte kontraktor i sheshit nën Edi Ramën dhe unë punova me kontraktorin e sheshit për të mbyllur zonat e hapura në mes të qytetit që ishin bërë një makth për qytetarët, sepse ishte prioritet dhe me kosto sa më të ulët. Nuk e përjashtoj që ai të ketë konkuruar dhe të ketë fituar tendera kur unë kam qenë kryetar i Bashkisë. Por nuk kam bërë asnjë Kullë, as me ?Fushën?, as me Kodrën, as me Malin?, është përgjigjur Basha.

Në fakt nuk kanë qenë vetëm tenderat e dhëna nga Bashkia e Tiranës nën udhëheqjen e Bashës, këtu nuk llogariten tenderat për rrugët nacionale, që kësaj kompanie i janë dhënë nga Ministria e Punëve Publike, Transportit dhe Telekomunikacionit po në kohën që udhëhiqej nga Lulzim Basha. /CNA.al





Lajmet e fundit nga