web counter
LEXO PA REKLAMA!

SHKARKO APP

App Store
Google Play

E fundit!

x

“Festonim ditëlindjen e vajzës, fëmijët thonin “do vdesim” gruaja rrëfen si u shpëtoi flakëve

28 Korrik 2018, 08:48, Aktualitet CNA

Një dëshmi e re ka dalë në dritë nga një prej të mbijetuarve të katastrofës së zjarrit, e cila goditi fillimisht një resort në Mati ditën e hënë. Elisavet Papadopoulou përshkroi në një postim në Facebook momentin teksa bashkë me një shoqe po festonin ditëlindjen e vajzës 11 vjeçare, në resortin buzë detit.

Ajo tregon se fëmijët po hanin akullore, po këndonin dhe ishin shumë të lumtur, deri në momentin që ndien erën e zjarrit dhe panë me sytë e tyre se si zjarri po afrohej.

Gruaja shkruan në Facebook:

Kur zjarri nisi të mbërthente hotelin, ne morëm fëmijët dhe u hodhëm në det. U siguruam mirë që nuk kishim lënë asnjë fëmijë në tokë, pasi të gjithë nisën të qanin e të ulërinin.
Na pyesnin herë pas here nëse do të vdisnin. Nuk ndalonim së thëni që duhej të bënin not.
Me kalimin e kohës tymi që vinte nga bregu ishte i dendur dhe dielli ishte zhdukur. Ishte errësirë dhe askush nuk e dinte nëse kishte mjaftueshëm oksigjen për të marrë frymë.
Vijuam të notonin deri sa gjetëm një vend ku kishte më pak tym, por gjithashtu mundoheshim të mos largoheshim shumë nga bregu.
Arritëm në një pikë ku gati dyqind veta ishin shpërndarë në ujë dhe në shkëmbinj.
Mund të dëgjonim shpërthimet kur merrte flakë benzina, gazi. Tymi ishte i zi dhe i dendur, por era e fortë e shpërndau atë para se të na arrinte.
Mendova se përderisa era vazhdonte, kishim shpresë për të mbijetuar.
Ne arritëm në një gur, ku të gjithë morëm frymë dhe kënduam për vajzën time: ?Gëzuar Ditëlindjen e dashur Eva”
Surreale!
Kaluam 4 orë në ujë. Rreth orës 10:00 një varkë me instruktorë të zhytjes nga një shkollë private u afrua.
Ata ishin shpëtimtarët tanë. Më vjen keq që nuk mund ta kujtoj emrin e shkollës së zhytjes për t?i falënderuar të gjithë, tani që makthi ka mbaruar”.





Lajmet e fundit nga