Gratë te ne në punë/ Burrat me leje lindjeje

28 Korrik 2018, 07:55, Aktualitet CNA

Pas ndryshimit të skemës në vitin 2014 për herë të parë në ligjin e pensioneve u fut ligji që tashmë, perveç nënave leje lindjeje mund të përfitojnë edhe burrat.

?Pas periudhës prej 63 ditësh pas lindjes, të drejtën e lejes për kujdes ndaj fëmijës e ka edhe babai ose birësuesi i siguruar, nëse këtë të drejtë nuk e ushtron apo nuk ka kushte për ta përfituar nëna?.

Që nga viti 2015, kur ligji hyri në fuqi, jo pak baballarë kanë përfituar nga ky ndryshim dhe këtë fakt e ka treguar kreu i Institutit të Sigurimeve Shoqërore, Astrit Hado, në një postim në rrjetet sociale.

Hado thekson se për dy vjet, janë 664 baballarë që kanë marrë lejen e lindjes në vend të nënave.

?547 baballarë përfitojnë nga leja e lindjes! Jo vetëm nënat, por edhe baballarët, që janë të siguruar, kanë të drejtën e përfitimit të lejes së lindjes! Reforma në fushën e sigurimeve shoqërore ua mundëson këtë.

Ndaj, gjatë vitit 2017, rreth 547 prej tyre, nga 117 që ishin gjatë vitit 2016, kanë përfituar nga kjo e drejtë, në pamundësi që nënat, për arsye objektive, të qëndrojnë në shtëpi, pas 63 ditëve të lindjes. ISSH, siguri e së ardhmes suaj!?, shkruan Hado.

Më poshtë arsyeja pse e marrin burrat lejen e lindjes më së shumti.

Periudha e sigurimit, pra, e pagesës pa shkuar në punë, është 365 ditë. Nënat mund ta marrin lejen 60 ditë para lindjes së foshnjës me vazhdim deri në 63 ditë pas lindjes. Më pas, këtë të drejtë mund ta përfitojë edhe babai. Pagesa e periudhës së kujdesit për fëmijën është: 80 për qind e mesatares ditore të bazës së vlerësuar neto të dymbëdhjetë muajve të fundit nga data e lindjes të së drejtës për pagesë për periudhën e paralindjes dhe për 150 ditë kalendarike pas lindjes; 50 për qind e mesatares ditore të bazës së vlerësuar neto të dymbëdhjetë muajve të fundit nga data e lindjes së të drejtës për pagesë për periudhën tjetër në vazhdim?,- shkruan Panorama.

Çdo çift e bën vetë llogarinë, por duket se çiftet që kanë zgjedhur të mbajnë babain si babysiter, ose kanë pasur nënat me punë shumë të mira dhe pagesa të majme, ose kanë pasur burrat në kushte të tjera, që i leverdiste të rrinë në shtëpi dhe të marrin 4 muaj 80 për qind të pagës neto, dhe pjesën tjetër të viti 50 për qind të pagës neto. Sidoqoftë, duket se skema, financiarisht, ia vlen edhe për burrat që rrisin fëmijë.