E fundit!

18:24 Aktualitet

Nis protesta e gjashtë në Tiranë kundër qeverisë

Mbahet ditën e sotme protesta e radhës kundër qeverisë në ...

Homazhe për Adem Demaçi/ Meta: Europa të njohu si Mandela shqiptare

28 Korrik 2018, 09:26, Aktualitet CNA

Para dy ditësh ka ndërruar jetë veprimtari i çështjes shqiptare, Adem Demaçi, në moshën 82 vjeçare.

Ceremonia dhe varrimi i Adem Demaçit,me nderimet më të larta shtetërore, bëhen sot për ta nderuar jetën dhe veprën e tij.

Vetë presidenti i vendit Ilir Meta është bërë pjesë e ceremonisë mortore dhe homazheve shtetërore që do mbahen në nder të Demaçit.

Gjatë fjalës në ceremoninë zyrtare Meta tha se Demaçi do të mbetet përherë heroi i rezistencës për liri. Teksa e cilësoi si model të përkushtimit ndaj Atdheut, kreu i shtetit tha se e gjithë bota Demaçin e njohu si Mandelën e Europës.

?I dashur bac Adem, ti ia dole të sfidojë. Pasi ti ishe Adem Demaçi i Kosovës, i Shqipërisë. Europa të njohu si Mandela shqiptare, Ti ke qen dhe je Adem Demaçi shqiptar, dhe maratonamku shqiptar. Je shkrimtari, gazetari, politikani i veçantë dhe humanisti i shquar. Ti je Adem Demaçi. Sot dhimbja është e madhe. I lehtë të qoftë dheu në Kosovë, që aq shumë e deshe?, tha Meta.

Në nderim të figurës së veprimtarit të shquar, Adem Demaçi, i cili ndërroi jetë, presidenti i Republikës së Kosovës, Hashim Thaçi, bazuar në kompetencat e tij kushtetuese dhe ligjore, ka shpallur tri ditë zie në Kosovë, përkatësisht ditën e premte, të shtunë dhe të diel.

Gjatë këtyre ditëve të zisë, flamuri shtetëror i Republikës së Kosovës do të ulet në gjysmështizë në të gjitha institucionet shtetërore brenda dhe jashtë vendit.

Demaçi ka vuajtur 28 vite burg në kohën e ish-Jugosllavisë. Ai ishte laureat i çmimit ?Saharov?. Demaçi ishte gazetar e shkrimtar, politikan e aktivist për të drejtat e njeriut.

Demaçi ishte kryetar i Lidhjes së Shkrimtarëve të Kosovës (2005-2007). Adem Demaçi me jetën dhe veprën e tij, është një personalitet i përmasave të historisë së përgjithshme njerëzore, ku bën pjesë edhe historia jonë kombëtare.

Në vitin 2010, ai u dekorua me Urdhrin ?Hero i Kosovës?. Ndërsa, vitet e fundit të jetës së tij i kaloi në Prishtinë.