E fundit!

18:24 Aktualitet

Nis protesta e gjashtë në Tiranë kundër qeverisë

Mbahet ditën e sotme protesta e radhës kundër qeverisë në ...

Rritja ekonomike/ Ahmetaj flet me fakte për ecurinë e saj

28 Korrik 2018, 08:59, Aktualitet CNA

Ministri i Financave dhe Ekonomisë Arben Ahmetaj në një intervistë për fDi Magazine ka komentuar ekonominë shqiptare dhe ritmet e saj.

Sipas tij ecuria ekonomike e vendit po ecen mirë ?Sot ekonomia është përmirësuar konsiderueshëm. Rritja në vitin 2017 ishte 3.84% e GDP?, ka thënë ndër të tjera Ministri, ndërsa ka kujtuar faktin se kur PS mori mandatin rritja ekonomike ishte vetëm 1%.

?Kur qeveria jonë mori detyrën, rritja ekonomike ishte më pak se 1%, thuajse në prag të një recesioni ndërsa financat publike kishin deficit të lartë. Kështu që ne vendosëm të hyjmë menjëherë në ristrukturim; filluam një marrëveshje me FMN me shume kushtëzime sa i takon reformave strukturore, fiskale, financiare dhe institucionale.

Ndërkohë ne arritëm të finalizojmë një program të suksesshëm tre-vjecar me FMN. Prodhimi është rritur; në manifakturë shifrat janë të konsiderueshme, ndërsa sektori i turizmit në rritje po kontribuon pozitivisht në ekonomi. Në tre muajt e parë të vitit 2018 patëm një fluks rekord të investimeve të huaja direkte prej 284 milione euro. Nëse ecim në këtë trend, në fund të vitit besoj do të kalojmë 1 miliardë euro. Për një vend të madh mund të duket shifër simbolike, por për ne është një kapërcim cilësor?, ka thënë Ahmetaj.

Më tej ai ka shtuar se nëse Shqipëria merr dritën jeshile për negocuiatat në qershor të 2019, do të jetë fakt se BE ka vlerësuar ecurinë dhe përmbushjen e detyrave nga ana e qeverisë.

?Unë besoj se në 28 qershor (në takimin e Këshillit Europian për diskutimet mbi zgjerimin), nëse Shqipëria do të marrë dritën jeshile për hapjen e negociatave, do të thotë që BE do ta vlerësojë faktin që ne i kemi përmbushur të gjithë detyrat tona. Në vijim ne do të prezantojmë një set tjetër reformash të rëndësishme, të lidhura me cilësinë e administratës, legjislacionin, sistemin gjyqësor, sigurinë ushqimore etj. Hapja e negociatave do të rrisë besimin e qytetarëve shqiptarë?. / CNA.al