Ekskluzive-Zbulohet strategjia e Bashës/ PD drejt bojkotit të zgjedhjeve lokale

17 Korrik 2018, 11:27, Aktualitet CNA

Lulzim Basha në lëvizjet e tij politike të kohëve të fundit po i kthehet strategjisë së tij të kohës së çadrës.

Më shumë se një vit më parë, për 90 ditë u ngujua në çadër dhe kërkoi largimine Edi Ramës dhe më pas në pazar me këtë të fundit hyri në zgjedhje, duke humbur turpshëm.

Për të shpëtuar dhe justifikuar humbjen, shpëtimin e gjeti duke akuzuar për shit-blerje votash, megjithëse kishte gjysmën e qeverisë dhe fushatën e bëri vetëm kundër LSI-së.

Në një tjetër pozicion ndodhet sot kreu i PD-së, sepse ka LSI-në në krah. Basha pretendon se që të ketë një opozitë të bashkuar, por e kërkon atë për ta udhëhequr jo në një palë zgjedhje dhe për ta bërë fitues, por për t?i bojkotuar ato.

Lulzim Basha bëri gjithçka që Shqipëria të mos merrte negociatat me BE-në, të cilat u shtynë për një vit, por me një datë të saktë. Do të jetë koha e zgjedhjeve lokale, dhe Lulzim Bashës do t?i duhet tension për t?i bllokuar negociatat dhe për ti cilësuar ato si dështim të qeverisë.

Kreu i PD-së, ka gjetur një zgjidhje. Burime pranë stafit të tij i thanë CNA.al se Basha po përgatit bojkotin e zgjedhjeve, ky si një aktekstrem për të çuar ndoshta në një marrëveshje të re me Ramën, që Lulzim Basha të shpëtojë lëkurën e tij nga turpi i një tjetër humbje katastrofike të paralajmëruar.

Në strategjinë e tij, kreu i PD-së pritet të përdorë disa argumenta, reformën e munguar zgjedhore, nevojën e një reforme të re territoriale, pasi të parën PD e bojkotoi dhe targetin kryesor ?Nuk mund të ketë zgjedhje me Ramën kryeministër sepse ai i blen votat me paratë e drogës?.

Lulzim Basha, partinë e tij e shikon si një organizatë interesash klienteliste dhe personale që mund të shërbejë për presion dhe tension, jo si një forcë politike që ka një program dhe vizion dhe është një alternativë e besueshme që votohet nga shqiptarët në shumicë apo pakicë.

I paaftë për të ndërtuar një strategji vizionare dhe një opozitë të besueshme kundër skandaleve, korrupsionit, bëmave dhe gjëmave të qeverisë, Luli gjen zgjidhje bojkotin, tensionet dhe destabilitetin që tentoi në vitin 2017, dështoi dhe më pas i urdhëruar nga ndërkombëtarët hyri me shqelma në zgjedhje.

Tani po fillon të njëjtën strategji. Tentativa për tensione politike, deri në bojkot, si një strategji e Lulit, edhe një herë për të ruajtur karrigen e kryetarit të PD-së, që për të vlen më shumë se ndërtimi i alternativës dhe besueshmërisë së opozitës.

I pamundur për të zhvilluar riorganizimin e PD-së dhe zgjedhjet në bazë, pas dështimit me vetë urdhërin e tij, i ka shtyrë afatet me disa muaj, për në shtator. Ndërsa vetë ka urdhëruar që të mos merren me zgjedhjet dhe organizimin në bazë, Luli në drejtim të bojkotit s?ka pse i duhet një riorganizim dhe një PD e fortë në bazë. Ky është një tjetër argument që forcon bindjen që Basha po kërkon bojkotin e zgjedhjeve lokale./ CNA.al