Zbardhet ngjarja e rëndë në Dibër/ Arrestohen autorët

16 Korrik 2018, 07:34, Aktualitet CNA

Policia ka bërë të mundur zbardhjen në kohë rekord të ngjarjes së rëndë të ditës së djeshme në Dibër, ku një person mbeti i plagosur me armë zjarri pas një tentative për grabitjen e banesës së tij.

Policia ka identifikuar dhe arrestuar dy autorët e dyshuar të ngjarjes. Mësohet se bëhet fjalë për shtetasit: Gaetano Hasi, 35 vjeç dhe Ilir Shini, 31 vjeç.

Gjithashtu është sekuestruar arma e krimit, municione luftarake dhe veshjet e përdorura nga autorët.

Njoftimi i policisë:

Zbardhet në kohë rekord grabitja me armë me pasojë plagosjen e të zotit të banesës.

Falë reagimit të shpejtë e profesional identifikohen dhe arrestohen në flagrancë autorët e dyshuar

Sekuestrohet arma e krimit, municione luftarake dhe veshjet e përdorura nga autorët

Strukturat e Drejtorisë Vendore të Policisë Dibër si rezultat i reagimit të shpejtë dhe profesional, dhe hetimeve intensive të kryera, bënë të mundur zbardhjen e vjedhjes së banesës ndodhur me datë 15.07.2018, në fshatin Brezhdan, ku mbeti i plagosur me armë i zoti i banesës.

Në përfundim të veprimeve të kryera janë identifikuar dhe arrestuar në flagrancë dy autorët e dyshuar të kësaj ngjarje:

Gaetano Hasi, 35 vjeç, banues në fshatin Brest i Poshtëm/Kastriot, Dibër ( veprat penale ?Vjedhje me armë? kryer në bashkëpunim dhe ?Mbajtje pa leje dhe prodhimi i armëve, armëve shpërthyese dhe i municionit?)

Ilir Shini, 31 vjeç, banues në fshatin Brest i Epërm/Kastriot, Dibër (Vepra penale ?Vjedhje me armë? , kryer në bashkëpunim?).

Këta shtetas në bashkëpunim me njëri ?tjetrin dyshohen se më datë 15.07.2018, rreth orës 03.30, të maskuar dhe nën kërcënimin e armës kanë vjedhur banesën e shtetasit A.S, 53 vjeç, banues në fshatin Brezhdan, ku gjatë grabitjes ka mbetur i plagosur me armë zjarri shtetasi E.S, 35 vjeç.

Në vijim të veprimeve të kryera për dokumentimin me prova ligjore të ngjarjes, shërbimet e policisë gjatë kontrollit të kryer në banesën e shtetasit Gaetano Hasi kanë gjetur dhe sekuestruar në cilësinë e provës materiale:

Një armë zjarri automatik model 56, 506 copë fishek, 1 krëhër, 1 jelek antiplumb, si dhe disa veshje që dyshohen se janë përdorur nga autorët gjatë grabitjes.

Në bashkëpunim me Prokurorinë Dibër vijojnë hetimet për zbardhjen dhe dokumentimin ligjor të rasteve të tjera të vjedhjeve ku dyshohet se këta shtetas janë autorë.

Materialet hetimore do ti referohen Prokurorisë Rrethit Gjyqësor Dibër për hetime të mëtejshme.