web counter
LEXO PA REKLAMA!

SHKARKO APP

App Store
Google Play

Detaje të reja për ekzekutimin në Shkodër/ Çfarë u gjet në kamerat e sigurisë?

16 Korrik 2018, 07:02, Aktualitet CNA

Hapja e kamerave të sigurisë ka zbardhur të tjera detaje në lidhje me vrasjen e dyfishtë që tronditi Shkodrën në orët e para të mëngjesit të djeshëm.

Personi i cili ka qëlluar në drejtim të çiftit të bashkëjetuesve, nuk ka pasur maskë në fytyrë, është afruar pranë automjetit të çiftit Bercana, dhe ka shkrehur karikatorin me 23 fishekë në drejtim të tyre.-raporton FaxNeës.

Po ashtu theksohet se autori i cili ende nuk është identifikuar ka mbërritur me mjetin tip Mercedes Benz, në lagjen Naim Gjylbegu ne Shkodër, mjeti është parkuar jashtë rrugicës së pallatit ku jetonte me qera cifti i bashkëjetuesve, ka marrë armen në makinë dhe është drejtuar tek ata, pa asnjë lloj kompleksi, duke iu afruar xhamit të shoferit dhe duke qëlluar në drejtim të tyre.

Gjithçka ka ndodhur për pak sekonda, ai është siguar se çifti ka vdekur, ka parë femijën në pjesën e pasme të makinës dhe është larguar sërish nga ka ardhur duke hipur në automjetin që e priste së bashku me drejtuesin e mjetit. Dy personat janë larguar në drejtim të lagjes Kiras, nga ku mësohet se më pas kanë braktisur mjetin në afërsi të Bypasit, pranë rrugës nacionale Shkodër ? Koplik, ku i është vënë edhe flaka duke e shkrumbuar atë plotësisht me qëllim që të humbin të gjithë gjurmët.

Policia e Shkodrës ka sekuestruar kamerat e sigurisë së një subjekti privat pranë banesës së ciftit, ndërkohë që materiali filmik është dërguar në Tiranë, ku priten të nxirren detaje ne lidhje me identitetin e autorit, mbi te cilin deri tani nuk ka asnje te dhene.

Cifti, Bercani, u ekzekutuan me 23 plumba, mengjesin e se dieles, ngjarje e cila tronditi mbare opinionin publik në Shkodër.





Lajmet e fundit nga