Projekti për Teatrin Kombëtar/ Çfarë po fsheh Rama?

16 Korrik 2018, 12:02, Aktualitet CNA

Partia Demokratike, nëpërmjet deputetes Albana Vokshi, ka reaguar sërish sot në lidhje me çështjen Teatrit Kombëtar.

Në një dalje për mediat, Vokshi është shprehur sot se PD është e vendosur të çmontojë mashtrimin e kryeministrit Edi Rama me projektin që ka ndërmend të zbatojë me kompaninë Fusha në qëndrën historike të Tiranës, sipas saj për të fituar 205 milionë euro duke shembur edhe Teatrin Kombëtar.

Në daljen e saj për mediat, Vokshi gjithashtu i ka drejtuar disa pyetje kryeministri Rama.

Sipas deputetes demokrate, ?Pyetjet që ngrihen dhe nuk po marrin dot përgjigje, janë: Pse të gjithë fshehin propozimin e Fushës, pse e fshehin projektin e kompanisë Fusha? Çfarë fshihet pas mungesës së transparencës??.

Ndër të tjera, Vokshi sot i denoncoi para medias, manovrat që sipas saj po bën qeveria për të mbajtur sekret me çdo kusht projektin e kompanisë Fusha në truallin e Teatrit dhe më gjërë.

Gjithashtu deputetja Vokshi akuzoi kryeministrin Rama se ka urdhëruar kryeregjistruesin Valdrin Pjetri që të heshtë.

Kujtojmë këtu se Pjetri, sot në Komisionin e Medias tha se nuk kishte pasur kohë të mblidhte informacion për t’iu përgjigjur pyetjeve ttë deputetëve të opozitës.

“Qeveria, – tha Vokshi, – ka refuzuar në mënyrë të përsëritur të japë informacion. Disa deputetë të opozitës i kërkuan informacion kryeregjistruesit. Informacioni është detyrim për t?u dhënë. Në dëgjesën e parë, kryeregjistruesi refuzoi të paraqitet dhe të dërgonte informacionin. Në dëgjesën e sotme, po me urdhër të Ramës, kryeregjistruesi refuzoi të jepte informacionin. Kreyregjistruesi refuzoi të jepte përgjigje mbi pronësinë e Teatrit.

Është e drejtë e Kuvendit, e opozitës, e drejtë e publikut të dijë sa pronë ka kompania Fusha, për të cilën Rama ka hartuar nëj ligj të posaçëm duke marrë truall nga qendra historike dhe duke shembur Teatrin. Kryetari i ZRPP refuzoi të japë përgjigje se kush janë pronarët kufitarë dhe nëse Fusha është vërtet pronar kufitar? Çfarë e detyron Edi Ramën të mos bëjë transparencë? Ç?e detyron Ramën të urdhërojë bojkotin e mbledhjes së Komisionit?

Pse të gjithë fshehin propozimin e Fushës, pse fshehin projektin e kompanisë Fusha? Çfarë fshihet pas mungesës së transparencës?

PD e ka të qartë se institucionet mund ta shkelin ligjin me urdhër të Ramën, por është e vendosur të çmontojë mashtrimin e Ramës që synon të fitojë 205 milionë euro”.