E fundit!

08:34 Kronika

Operacion antidrogë në Malësinë e Krujës, Krujë dhe Thumanë

Autoritetet kanë kryer një operacion të gjerë antidrogë në...

Zbulohet gënjeshtra e Bashës/ Kërkesa për bashkim, farsa e radhës

14 Korrik 2018, 17:54, Aktualitet CNA

Partia Demokratike në Shkodër ka zhvilluar pasditen e djeshme mbledhjen e kryesisë, edhe pse me një pjesëmarrje minimale, gjë që u evidentua edhe nga vetë tre deputetët e pranishëm në këtë takim Romeo Gurakuqi, Lorenc Luka dhe Bardh Spahia.

Tre deputetët e pranishëm në takim u shprehen se ?Afrimi i zgjedhjeve vendore të 2019 i vë demokratët shkodranë përballë sfidave ku në krye të tyre qëndron ajo e bashkimit.?

Më pas shënjestra u drejtua të qeveria, për largimin e së cilës duhet punuar pa ndërprerje thanë deputetët.

Duke marrë shkas nga kërkesa urgjente sipas tyre, për të larguar qeverinë, ata ritheksuan mesazhin për bashkimin e PD-së.

?Duhet të karikohemi për të kritikuar çdo hallkë të drejtorive që nuk funksionojnë pasi sot po luhen fatet e demokracisë. Lulzim Basha kërkon bashkimin dhe për këtë duhet të trokasim derë më derë për të përcuar mesazhin tonë politik. Ta keni bindjen se pa qënë të bashkuar asnjë prej nesh nuk do t?ja dalë i vetëm. Sot shqiptarët janë më keq se dje përballë presioneve, mungesës së shërbimeve dhe të shtetit. Duke ju shmangur problematikave nuk arrijmë askund. Na pret një stim protestash dhe ato bëhen vetëm me njerëz dhe strukturë. Ishim 10, duhet të bëhemi 15, 20, pasi nëse nuk jemi të bindur ne si mund t?ja përcjellim qytetarëve.

Sot në mbledhje duhej të ishin 90 vetë dhe jo kaq pak. Në cdo reagim duhej të ishin minimumi 500 persona. Nëse i shmangemi cështjes së bashkimit atëherë shtatori do të na gjejë kështu sic jemi.?-ishte mesazhi i përcjellë nga deputetët demokratë në takim.

Por, nga ana tjetër në këtë takim është evidentuar edhe një fakt që në media është raportuar shpesh, që Lulzim Basha kërkon të bashkëqeverisë me Ramën. Në këtë mbledhje, vetë deputetët e Bashës, thanë se ?Duhet të kërkojmë qeveri tranzitore që garanton zgjedhjet, pasi kjo e sotmja po investohet nga paratë e krimit dhe drogës?.

Kujtojmë këtu se pothuajse i njëjti skenar u përdor edhe para zgjedhjeve të 25 qershorit, ku Basha qeverisi për disa muaj me socialistët, dhe rezultati ishte katastrofal për Partinë Demokratike, e cila mori në zgjehdje rezultatin më të ulët historik.