web counter
LEXO PA REKLAMA!

SHKARKO APP

App Store
Google Play

E fundit!

x

Afera e transportit të eurove të sekuestruara/ Fakte të reja që implikojnë Bashën?

11 Korrik 2018, 10:34, Aktualitet CNA

Taulant Balla depozitoi ditën e sotme në Prokurorinë e Tiranës fakte të reja, në plotësim të Kallëzimit Penal ndaj Lulzim Bashës. Kështu ka njoftuar kreu i Grupit Parlamentar i PS-së me anë të një postimi në rrjetin e tij social.

Balla paralajmëroi dje që do sillte prova të reja për disa vepra penale në të cilat ishte i përfshirë kreu i opozitës Basha.

‘Në vijim të transparencës dhe ndershmërisë përballë opinionit publik, sapo kemi depozituar në Prokurorinë e Tiranës parashtrime dhe fakte të reja, në plotësim të Kallzimit Penal datë 27.06.2018, ndaj personit të kallëzuar Lulzim Basha për disa vepra penale.

Jemi të bindur se këto hapa ligjorë do të zbardhin shpifjet dhe ofendimet e turpshme të esadistit Lulzim Basha, ndaj meje dhe ndaj gjithë grupit tim parlamentar. Në fund të këtij procesi drejtësie ky gojë përdalë do të marrë një dënim shembullor.’ shkruan Balla në postimin e bërë.

Më tej Balla shton se me Lulzim Bashën dhe esadistët e tij do të ndjekim gjithnjë e më shumë rrugën gjyqësore të përballjes me shpifjet e ndyra e me gënjeshtrat ofenduese të tyre. Ata tanimë duhet t?i mesojmë të sjellin prova para publikut, ose të turpërohen sic e meritojnë në sallat e gjyqeve dhe të procedohen penalisht kur shkelin ligjin.





Lajmet e fundit nga