web counter
LEXO PA REKLAMA!

SHKARKO APP

App Store
Google Play

E fundit!

x

Mediu në parlamentin gjerman/ "Shqipëria, rast unik në Europë pa Gjykatë Kushtetuese"

11 Korrik 2018, 10:00, Aktualitet CNA

Kryetari i Partisë Republikane Fatmir Mediu ishte i pranishëm gjatë punimeve të Asamblesë Parlamentare të OSBE, e cila u mbajt në Parlamentin Gjerman. Gjatë fjalës së mbajtur në seancën plenare të ditës së djeshme, në emër të opozitës Mediu vlerësoi se në qendër të punës së OSBE është mbrojtja dhe garantimi i të drejtave të qytetarëve, e drejta e tyre për të vendosur nëpërmjet votës, zgjedhjeve të lira dhe të ndershme.

Ai theksoi se nëse OSBE vëzhgon zgjedhjet dhe bën rekomandime atëherë është e domosdoshme që ajo të ndjekë zbatimin e tyre, e në mënyre të veçantë:

-Blerjen e votës
-Influencën e krimit të organizuar në zgjedhje dhe
– Kapjen e Shtetit, të cilat ai i cilësoi si rrezikun më të madh, veçanërisht në Shqipëri.

Në këtë kontekst ai u shpreh se garantimin e të drejtave të qytetarëve e siguron një gjyqësor i pavarur.

?Shqipëria u përfshi në një proçes të reformës në drejtësi për të luftuar korrupsionin dhe garantuar pavarësinë e tij.
Të gjithë ranë dakort dhe e vlerësuan si të domosdoshme, por ajo që është e domosdoshme është implementimi i drejtë i saj. Sot ne jemi në mungesë të plotë të Gjykatës Kushtetuese dhe bllokim të Gjykatës Lartë, dhe mund të përfundojmë në mosfunksionimin e Gjykatave të tjera?, u shpreh Mediu.

Duke theksuar se mungesa e pushtetit gjyqësor i jep autoritet vetëm qeverisë, Mediu ngriti pikpyetjen se si mund luftohet korrupsioni në këto kushte dhe se ku është zbatimi i Kushtetutes bazuar me parimin Check and Balance.

Mediu e cilësoi Shqipërinë si një rast unik në Europë që nuk ka Gjykatë Kushtetuese apo me një Gjykatë të Lartë të bllokuar, duke përmendur si shembull Amerikën, vend në të cilin zhvillohet debat se kush duhet të jetë anëtar i Gjykatës së Lartë një kohë kur në Shqipëri kjo Gjykatë nuk funksionon fare.

?Ne nuk mund të vazhdojmë kështu duhet të ulemi dhe të ndryshojmë këtë situatë për të pasur një pushtet gjyqësor të pavarur dhe funksional. NATO dhe BE janë padyshim rruga e vetme e Ballkanit për prosperitet dhe demokraci të qëndrueshme kushtetuese?, theksoi në fund të fjalës së tij Fatmir Mediu.





Lajmet e fundit nga