web counter
LEXO PA REKLAMA!

SHKARKO APP

App Store
Google Play

100 milionë lekë për të liruar një vrasës?!/ Gjyqtari i Kushtetueses në “ethe”

11 Korrik 2018, 10:18, Aktualitet CNA

Gjyqtari i Gjykatës Kushtetuese, Gani Dizdari do të përballet nesër me Vettingun.

Nëser në orën 12, Dizdari do të paraqitet para KPK, trupa e së cilës përbëhet  nga Pamela Qirko, Roland Ilia dhe Olsi Komici.

Në aspektin pasuror, gjyqtari Dizdari duket i varfër, por nisur nga ato çfarë kanë ndodhur deri më tani, mund të priten edhe supriza.

Sipas të vetmes deklaratë pasurie të publikuar në Open Spending Albania, gjyqtari Dizdari deklaron pagën e tij dhe të bashkëshortes e vajzës. Dizdari në vitin 2014 ka deklaruar se bashkëshortja ka kursyer rreth 14 milionë lekë të vjetra nga paga si arsimtare nga viti 1997 ? 2012, nga puna përkohësisht në INSTAT, qarku i Kukësit dhe kontribut nga vëllezërit.

Kujtojmë se në vitin 2016 gjyqtari Dizdari, ishte një nga anëtarët e Kushtetueses që votoi pezullimin e ligjit të ?Vettingut? dhe dërgimin e tij në Komisionin e Venecias.

 

Ndërsa sa i përket anës profesionale, nuk është se ka një karrierë të panjollosur.

Kujtojmë ngjarjen e vitit 2012 me nipin e tij, i cili bënte rolin e sekserit dhe për një rast nxjerrje nga burgu kërkonte 100 milionë lekë, të cilat u dyshua se më pas i ndante me gjyqtarin Dizdari.

Agron Lumeshi, nipi i gjyqtarit të Gjykatës së Lartë, Gani Dizdari. Lumeshi u hetua nga prokuroria, pasi dyshohej se po ushtronte ndikim te daja e tij, gjyqtari Gani Dizdari, për lirimin e paligjshëm të  një të burgosuri për veprën penale të vrasjes. Por, nga prokuroria  nuk është vërtetuar se paratë kanë shkuar në dorën e gjyqtarit Dizdari.

Gjithesesi procesi i Vettingut, mund të zbulojë supriza ashtu siç ndodhi në rastin e gjyqtarit Admir Thanza.

Risjellim në vëmendje, se rezultatet e pra të vetingut i kanë dhënë një goditje të fortë gjykatës më të rëndësishme në vend.

Para të niste procesi i Vettingut, Gjykata Kushtetuese pati mbetur me 6 anëtarë, por dy muajt e fundit mjaft emra nuk e kaluan vetingun dhe sollën probleme.

Besnik Imeraj dha dorëheqjen nga detyra, ndërsa anëtarët Fatos Lulo, Altina Xhoxhaj dhe Fatmir Hoxha ngelën në proces./CNA.al

 





Lajmet e fundit nga