web counter
LEXO PA REKLAMA!

SHKARKO APP

E fundit!

x

“Djegia e mandateve”/ Këshilltari i djathtë drejt dorëheqjes 

6 Korrik 2018, 08:47, Aktualitet CNA

Këshilltari i djathtë në Bashkinë e Tiranës, Fabjan Topollaj ka reaguar pas zërave për mundësinë e djegies së mandateve nga deputetët e opozitës.

Në një postim në faqen e tij në rrjetet sociale, Topollaj shkruan se edhe nëse vërtetë e ndërmerr këtë hap opozita, tashmë është i vonuar për shkak të mundësisë që i ka krijuar Ramës që të marrë masa për të mos u dëmtuar.

Nga ana tjetër Topollaj, thekson se duke ju referuar aksioneve opozitare të kreut të PD, Lulzim Basha, nuk beson se ai do ta ndërmarrë një hap të tillë.

Por, pas postimit të Topollajt ka pasur shumë reagime nga qytetarët, të cilët kanë komentuar postimin e tij.

Ndërsa një qytetar e pyet nëse ai personalisht e ka djegur mandatin e Këshilltarit, Topollaj shprehet se është i gatshëm që sot për një veprim të tillë.

?Ju e dogjet mandatin si keshilltar i Bashkise?
Apo ti ke arrit te marresh vendime ne favor te se djathtes??-shkruan qytetari.

Ndërsa, Topollaj përgjigjet ?Une kam dash ta djeg mandatin e keshilltarit qe perpara 6 muajsh te pakten dhe me kerkese te kryetarit te grupit nuk e kam bere. Jam i gatshem ta bej qe sot.?/ CNA.al





Lajmet e fundit nga