web counter
LEXO PA REKLAMA!

SHKARKO APP

App Store
Google Play

E fundit!

x

Një “Jaltë e re” për Ballkanin?/ Trump dhe Putin takohen në Serbi

5 Korrik 2018, 18:20, Aktualitet CNA

Presidenti i SHBA-së, Donald Tump, ka vendosur të vizitojë Ballkanin, dhe në kuadër të mbajtjes së një Samiti Ekonomik ndërkombëtar botëror vendi i parë që ka konfirmuar të vizitojë do të jetë Serbia.

Përveçse ministrit të Jashtëm serb Ivica Daçiç, një burim diplomatik, që nuk pranoi të identifikohej, tha se Trump do të vizitojë Beogradin në fund të këtij viti. Ndoshta shkon edhe në Kosovë për të shtyrë dialogun e nivelit të lartë Prishtinë-Beograd dhe ka gjasa të shkojë edhe në Mal të Zi e Kroaci .

Ka shumë gjasa që Trump të hapë portofolin e ndihmës miliardëshe për Beogradin për të shkëputur lidhjet me Moskën, komentoi burimi i mësipërm, ndërkohë që Daçiç, ka konfirmuar se në Samitin e madh ekonomik që do të mbahet në Beograd  janë ftuar edhe presidenti amerikan Donald Trump edhe ai rus Vladimir Putin.

?Organizimi i kësaj vizite është një biznes serioz që zhvillohet për disa muaj. Duke marrë parasysh të gjitha ato, Trump mund të vinte në Serbi, qoftë në pranverë ose në fund të vitit ?, tha Daçiç për ?Telegraf?-in serb.

?Serbia është duke udhëhequr një betejë serioze për Kosovën dhe një takim me Trump do të jetë me rëndësi të madhe për ne, sepse ne duam që Uashingtoni të dëgjojë dhe të marrë parasysh qëndrimet tona. Çështja e krahinës jugore serbe është një temë qendrore që do të diskutohej gjatë kësaj vizite, por sigurisht që nuk është e vetmja ?, tha Daçiç.

Sipas tij, ardhja e presidentit amerikan do të thoshte më shumë investime amerikane, kurse burimi diplomatik tha se: ?Administrata amerikane është e angazhuar seriozisht në përgatitjet për këtë vizitë e cila konsiderohet si një ?Jaltë e re për të ndarë zonat e influencës së Ballkanit?.

Në vitin 1945, Stalini, Rusvelti dhe Churchill-i e ndanë Ballkanin 50 me 50, por sot situata ka ndryshuar. Shqipëria, Mali i Zi, Kroacia, Bullgaria, Greqia dhe Rumania janë anëtare të NATO-s. Qarqet diplomatike thonë se gjithçka bëhet për të ndarë Bosnjën dhe Kosovën më përkatësinë e tyre midis lindjes dhe perëndimit.Sipas të gjitha gjasave Republika Srbska do të bashkohet me Serbinë, direkt ose me ndonjë konfederate, ndërkohë që nuk pritet ndonjë ndarje e territorit të Kosovës.





Lajmet e fundit nga