web counter
LEXO PA REKLAMA!

SHKARKO APP

App Store
Google Play

E fundit!

x

Skandali/ Bashkia e Veliajt ia kalon edhe shërbimit sekret

5 Korrik 2018, 17:40, Aktualitet CNA

Në zbatim të hyrjes në fuqi të një shtese në vendimin nr.59,dt. 30.12.2015 të Këshillit Bashkiak për sistemin e taksave dhe tarifave vendore në qytetin e Tiranës, të ndryshuar, Bashkia u ka nisur të gjithë hoteleve vendore shkresa ku i kujton ti dërgojnë çdo mbrëmje  jo vetëm listën me numrin e personave, turistë apo bujtës shqiptarë, që janë të akomoduar në ambientet e hoteleve të tyre, por edhe kartat e identitetit që përmbajnë të dhena konfidenciale dhe janë pronë e pacënueshme e mbajtësit të saj.

Vendimi, që mban nr. 84, dt. 26 qershor 2017, ka hyrë në fuqi ditë më parë, u kërkon pronarëve të hoteleve të kryeqytetit që softweri me kartelat e të dhenave të plota personale të klienteve ti dorëzohet në rrugë online çdo mbrëmje zyrës përkatëse të Bashkisë.

Kjo le të nënkuptuar që përveçse të dhenave që përmban karta e identitetit, apo pasaporta personale e klientit, seksionit përkatës të Bashkisë ti mundësohet edhe identifikimi i numri i dhomës ku është strehuar bujtësi apo bujtësja, si dhe me cilin person tjetër është strehuar.

Është një atribut që vërtet përbën skandal të vërtetë pasi edhe shërbimet sekrete nuk e kanë një të drejtë të tillë, që edhe kur e ushtrojnë për interesa madhore të mbrojtjes së integritetit kombëtar e ndërmarrin me vendim gjykate, ose e përdorin në rrugë të fshehta, pa e deklaruar pasi është një abuzim skandaloz me të dhenat personale.

Kjo, pra shkelja e privacisë së individit është ana ligjore e çështjes, pasi përveç të tjerave ky vendim i Bashkisë së Erion Veliajt trëmb klientët, u saboton punën hoteleve duke ua hequr nga duart bujtësit që nuk duan të riskojnë asgjë nga jeta e tyre private.

Eshtë kjo arsyeja që vendimi i Bashkisë,i cili e kthen këtë institucion më shumë se në një shërbim sekret, ka ndeshur në reagimin e ashpër të ATA-s, Shoqatës së Operatorëve Turistik, të cilët janë edhe denoncuesit e këtij vendimi që cënon gjithë të drejtat e pacënueshme ligjërisht të qytetarëve.

?Për ne është vendimarrje skandaloze edhe pse Bashkia e argumenton qëllimin e tij vetëm për efekt statistikor. Bashkisë mund ti duhet numrin e buajtësve të hoteleve, por pse edhe të dhenat e tjera, si emrat dhe kartat e tyre të identitetit, që përmbajnë informacion personal?, kanë thenë për CAN.al përfaqësues të ATA-s.

Duke sqaruar më tej se, në zbatim të ligjit, hotelet i marrin këto të dhëna dhe kartat e identitetit për efekt sigurie dhe identifikimi të personit nëse ndodh ndonjë problem i rëndë. Deri këtu hotelet janë konform ligjit në fuqi, por nëse këto të dhena ato ia përcjellin palëve të treta, të paautorizuara nga gjykata, kjo është shkelje e rendë e ligjit, gjë për të cilën nuk penalizohet bashkia por operatorët./CAN.al





Lajmet e fundit nga