web counter
LEXO PA REKLAMA!

SHKARKO APP

App Store
Google Play

Bie në kanionet e Skraparit/ Shpëton mrekullisht turistja gjermane

5 Korrik 2018, 14:45, Aktualitet CNA

Policia e Skraparit ka shpëtur një turiste gjermane e cila ishte në rrezik mbytjeje në kanionet e Skraparit.

Policia ka bërë me dije se turistja shtetasja me iniciale K.P është shpëtuar pa marrë asnjë lëndim fizik.

Punonjësit e Policisë përshkuan lumin me not në një gjatësi rreth 300 m dhe më pas u nxorr turistja jashtë kanioneve pa asnjë problem shëndetësor.

Njoftimi i plotë:

Turistja gjermane mbetet në lumin Osum, poshtë kanioneve, ndërhyrja në kohë e Policisë e shpëton duke e nxjerrë nga aty pa asnjë lëndim fizik.

Pas njoftimit të marrë se në vendin e quajtur ?Ura e Blezënckës? në kanione, në lumë, një shtetase e huaj ka mbetur vetëm dhe kërkon ndihmën e Policisë për të dalë nga kanionet, menjeherë u organizuan shërbimet e policisë të Komisariatit Skrapar, për t’i ardhur në ndihmë kësaj shtetaseje.

Forcat policore konstatuan shtetasen gjermane K.P., e cila ishte pushuese sëbashku me shtetasin gjerman H.P.  Pasi ishin futur në kanione me varkë, shtetasja K.P., e kishte lënë përgjysëm udhëtimin dhe për pasojë kishte mbetur në lumë.

Me ndihmën e punonjësve të Policisë, që përshkuan lumin me not në një gjatësi rreth 300 m, u nxorr turistja jashtë kanioneve pa asnjë problem shëndetësor.

Turistët falenderuan punonjësit e policisë të Komisariatit të Policisë Skrapar, për ndihmën e dhënë në kohë reale dhe sakrificën e tyre. /CNA.al





Lajmet e fundit nga