web counter
LEXO PA REKLAMA!

SHKARKO APP

App Store
Google Play

I akuzuar për vrasje dhe i shpallur në kërkim ndërkombëtar/ Arrestohet 42-vjeçari

5 Korrik 2018, 14:25, Aktualitet CNA

Policia e Rinasit ka ndaluar një shtetas të shpallur në kërkim ndërkombtar për “Vrasje me dashje e kryer në bashkëpunim”.

Policia bën me dije se i ndaluari është shtetasi Muhamed (Bledar) Leka, 42 vjeç, banues në Lushnje.

I shpalluri në kërkim ishte dënuar me 12 vjet e 2 muaj burg.

Njoftimi i plotë i policisë:

Intervistimi profesional  i Policisë Kufitare Rinas, zbulon identitetin e vërtetë të një shtetasi në kërkim në Itali,  i cili tenton të kalojë kufirin me Leje Kalimi me të dhëna të fallsifikuara .

Shtetasi i ndaluar , i shpallur në kërkim për “Vrasje me dashje e kryer në bashkëpunim” i dënuar me 12 vjet e 2 muaj burg.

Në vijim të kontrolleve për evidentimin dhe kapjen e personave të shpallur në kërkim dhe goditjes së paligjshmërisë, Policia Kufitare Rinas ndaloi shtetasin:

Muhamed (Bledar) Leka, 42 vjeç, banues në Lushnje.

Ndalimi i këtij shtetasi u bë pasi,  Gjykata e Rrethit Gjyqësor Lushnje me vendimin e datës 18.11.2003,  ka bërë njohjen e vendimit Penal të Gjykatës së Krimeve të Rënda Verona në Itali,  e cila e ka dënuar me 12 vjet e 2 muaj burgim për veprën penale “Vrasje me dashje e kryer në bashkëpunim”, parashikuar nga Nenet 76 – 25 të Kodit Penal.

Shtetasi Muhamed Leka,  erdhi si pasagjer nga jashtë shtetit me Leje Kalimi me emër tjetër, por punonjësit e Policisë Kufitare , gjatë përpunimit të dokumentacionit kanë shfaqur dyshime , dhe pas një intervistimi profesional të kryer nga Specialistët për hetimin e Krimit në Komisariatin e Policisë Kufitare Rinas,  rezultoi se ishte person në kërkim për veprën penale “Vrasje e kryer në bashkëpunim”.

Shtetasi i mësipërm,  ju dorëzua Komisariatit të Policisë Lushnje për veprime të mëtejshme. /CNA.al

 





Lajmet e fundit nga