web counter
LEXO PA REKLAMA!

SHKARKO APP

App Store
Google Play

E fundit!

x

Zbulohen dokumentet/ Ja si u shit toka e Teatrit Kombëtar

4 Korrik 2018, 12:45, Aktualitet CNA

Nënkryetarja e Komisionit të Ekonomisë,  Jorida Tabaku ka publikuar sot dokumentet autentike të vitit 1938, që ndalojnë tjetërsimin e pronës tek Teatri Kombëtar.

Gjatë fjalës së saj në Komision, deputetja Tabaku i paraqiti dokumentet si argument shtesë në pretendimin se akti i qeverisë është korruptiv dhe shkel çdo normë kushtetuese për pronësinë.

?Unë sot këtu po publikoj kontratën e shitblerjes nënshkruar në vitin 1938 nga familja Libohova, që i është shitur përfaqësuesit të shtetit italian. Në kontratë thuhet specifikisht se ai që e blen truallin, nuk e përdor dot për asnjë destinacion tjetër, përveçse për Teatër. Qeveria italiane që atëherë më largpamëse sesa qeveria shqiptare e cila sillet si pushtuese e trojeve publike?, tha Tabaku.

Sipas deputetes Tabaku, ?Qeveria Rama ka sjellë një ligj që ne si shqiptarë të legjitimojmë një kontratë antikushtetuese, të pamoralshme dhe antikombëtare për të ngritur në tokën e blerë për qytetarët një kullë me emrin Rama?.

Bashkëngjitur është kontrata e cila vërteton se prona ka një sipërfaqe prej 10625.31 metrash katrorë. E blerë nga Francesco Jacomoni në llogari të Mbretërisë Italiane për 7 franga floriri metri katror. Në total 74377.17 monedha floriri.





Lajmet e fundit nga