E fundit!

16:34 Aktualitet

Dosja "Toyota Yaris"/ GJKKO dërgon për gjykim me themel ish-oficeren e BKH

Gjykata e Posaçme ka dërguar në gjyq dy të pandehurit në d...

“Vettingu si mejhane korrupsioni”/ Rama "shuplakë" Arta Markut

4 Korrik 2018, 12:29, Aktualitet CNA

Deputeti i LSI, Luan Rama, ka reaguar për procesin e vetingut ndaj Kryprokurores Arta Marku.

Sipas tij, mungesa e saj gjatë seancave, është mungesë respekti për institucionin e Vetingut.

Rama shton më tej, se Marku e cila mbrohet nga kryeministri Edi Rama, duhet të ishte e pranishme në sallë, pasi për çështje që lidhen me detyrën, nuk mund të flasë avokatja e saj.

Më tej ai shprehet se institucioni i vetingut është një mejhane korrupsioni, që ka përfshirë edhe anëtarët e ONM, të cilët nuk garantojnë dot integritetin e procesit.

Postimi i plotë:

Vetingu si mejhane korrupsioni!

Edhe sot, prokurorja zëvendësuese e Prokurorit të Përgjithshëm, alias Prokurorja e Përgjithshme Arta Marku, ndryshe prej Kryetarit të Gjykatës Kushtetuese, nuk e paraqit para Komisionit të Vetingut!
Nuk u paraqit edhe pse e dinte paraprakisht rezultatin!
Arrogancë, mungesë respekti për institucionin e vetingut, frikë prej paaftësisë për t?u ballafaquar sepse nuk di të flasë, kompleks inferioriteti, mungesë vetëdijeje për autoritetin që përfaqëson!
Shkurt, monument i mediokritetit q? mbrohet nga qeveria!
Natyrisht që ligji ia njeh të drejtën e përfaqësimit edhe me avokat! Por, avokati nuk mund t?a përfaqësojë e të përgjigjet në emër të Prokurorit të Përgjithshëm, për ato elementë të vlerësimit në procesin e vetingut, që kanë të bëjnë me përmbushjen e detyrës së lartë në krye të organit të akuzës, si për shembull, lidhur me transferimet, komandimet apo uljet ne detyrë të shumë prokurorëve apo edhe për ç?organizimin e Prokurorisë, intimidimin dhe cënimin e pavarësisë profesionale!
Pra janë çështje për të cilat duhej e mund të përgjigjej vetëm ajo, pasi avokatja e saj, nuk disponon çertifikatë sigurie për t?u njohur me informacione që për shkak të detyrës i di vetëm zonja Prokurore që kryen detyrën e Prokurores së Përgjithshme!
Ndërsa, Komisioni i Pavarur i Kualifikimit, apo më thjeshtë për lexuesit, Komisioni i Vetingut, edhe pse i poshtëruar dhe i pakonsideruar qoftë edhe formalisht me mosparaqitjen para tij të Prokurores së Përgjithshme, u shfaq i mjerë, si për të na thënë se vetingu është një mejhane korrupsioni që ka përfshirë edhe ndërkombëtarët e ONM-së, të paaftë të mbrojnë e garantojnë integritetin e procesit! /CNA.al