web counter
LEXO PA REKLAMA!

SHKARKO APP

App Store
Google Play

E fundit!

x

Kryebashkiaku në "ethe"/ Nga çfarë ka frikë Erion Veliaj?

4 Korrik 2018, 12:12, Aktualitet CNA

Kryebashkiaku i Tiranës, Erion Veliaj, një nga mbështetësit më të flaktë të projektit për shembjen e Teatrit Kombëtar dhe ndërtimin e një godine të re, është ftuar sot në një seancë dëgjimore në Komisionin për Mediat dhe Informimin publik. Mësohet se kërkesa është bërë nga anëtarët e djathtë të komisionit në fjalë, por kryebashkiaku Veliaj ka zgjedhur të shmangë përballjen dhe nuk është paraqitur në Komision.

Në shkresën për mospjesëmarrje, drejtuar këtij Komisioni,  Veliaj justifikohet se tashmë sqarimet për këtë çështje janë dhënë.

Por mesa duket ?Lali Eri? ka dashur të shmangë një përballje me deputetët demokratë në këtë komision. Kujtojmë këtu se pak kohë më parë Veliaj u ftua në komision nga anëtarët e majtë dhe mbledhja u shoqërua me tensione të forta, të cilat degjeneruan deri edhe në përplasje fizike.

Ndërkohë pas refuzimit që kryebashkiaku Veliaj i bëri kërkesës së PD për të dhënë sqarime në lidhje me projektin në fjalë, ka reaguar kryetarja e Komisionit të Medias, Albana Vokshi.

Në një deklararë për mediat, Vokshi akuzoi Veliajn se po i merr atij pronën dhe ia jep kompanisë private të Edi Ramës për të pastruar, nëpërmjet 6 kullave, paratë e drogës, krimit dhe korrupsionit.

Sipas Vokshit, PD ka kërkuar në rrugë zyrtare informacion për të kuptuar pse duhet zhdukur Teatri Kombëtar, si pjesë e rëndësishme e kujtesës kombëtare, duke i dhënë territorin e tij për ndërtim kullash Kompanisë?Fusha?, e cila sipas skemës korruptive do të marrë rreth 8 mijë e 500 m2 tokë publike.

Por Erion Veliaj refuzoi të respektojë Kushtetutën dhe ligjin, duke mos informuar parlamentin  për projektin e Kompanisë ?Fusha?./ CNA.al





Lajmet e fundit nga