web counter
LEXO PA REKLAMA!

SHKARKO APP

App Store
Google Play

E fundit!

x

Shqipëria emëton bondin 500 milionë euro

3 Korrik 2018, 13:07, Aktualitet CNA

Ministria e Financave ka publikuar zyrtarisht kërkesën për propozimin e bankave për një ofertë për emetimin e eurobondit, e cila pohon se Shqipëria synon që të emetojë një eurobond në 2018-n në tregjet e kapitalit si dhe të blejë një pjesë të eurobondit ekzistues që maturohet në vitin 2020.

Mësohet se afati i maturitetit që duhet të merret në konsideratë është nga 5 deri në 10 vjet, ndërsa shuma që synohet të sigurohet do të jetë deri në 500 milionë euro dhe monedha do të jetë euro.-raporton Monitor.

?Ne kemi kënaqësinë t?ju ftojmë të dorëzoni një propozim të shkruar për të vepruar si një emetues (underëriter) i një emetimi potencial të letrave me vlerë të qeverisë?, thuhet në kërkesën për propozim (RFP), publikuar nga Ministria e Financave.

Shqipëria synon gjithashtu të blejë një pjesë të obligacionit ekzistues që maturohet në vitin 2020.

Ministria e Financave dhe Ekonomisë, ashtu sikurse ka lajmëruar në strategjinë afatmesme të borxhit, ka nisur procedurat për emetimin e një eurobondi me vlerë deri në 500 milionë euro, i cili do të synojë kryesisht të zëvendësojë eurobondin ekzistues dhe si i tillë nuk do të ndikojë në nivelin e borxhit publik.

Kjo do të jetë dalja e tretë e Shqipërisë në tregjet e kapitalit e cila e nisi këtë rrugëtim në vitin 2010 kur mori një Eurobond me vlerë 300 milionë euro.





Lajmet e fundit nga