web counter
LEXO PA REKLAMA!

SHKARKO APP

App Store
Google Play

E fundit!

x

Nënshkruhen 3 marrëveshje/ Rama jep lajmin e mirë nga Shkodra

3 Korrik 2018, 11:12, Aktualitet CNA

Qeveria shqiptare dhe ajo malazeze po zhvillojnë një mbledhje të përbashkët, për të diskutuar projektet dhe sfidat midis dy vendeve. Kryeministri malazez ka folur me superlativa për marëdhëniet midis Shqipërisë dhe vendit të tij.

Më tej ai ka shtuar se Shqipëria ka bërë progres dhe meriton hapjen  negociatave, ndërkohë ka theksuar se do të mbështesë Shqipërinë në rrugën drejt BE. Në kuadër të bashkëpunimit ekonomik, dy kryeministrat kanë vendosur të krijojnë një pikëtë përbashkët doganore në fshatin Zogaj në Shkodër. Ndërkohë janë nënshkruar edhe dy marrëveshje për Emergjencat Civile dhe Policinë Ajrore.

Kryeministri i vendit, Edi Rama, ka theksuar se shumë shpejt të dy vend do të lidhen nëpërmjet autostradës Adriatiko-Joniane, e quajtur ndryshe si ?Autostrada e Kaltër?.

?Mbetemi shumë të lidhur për të konkretizuar programet për procesin e Berlinit. Do nisim përgatitjet për autostradën e kaltër, apo Adriatiko-Joniano, që përfshin Malin e Zi dhe Shqipërinë. Për të avancuar procesin e lehtësimeve tregtare. Kompanitë që janë të interesuara të lehtësojnë procedurat e kalimit. Së shpejti do hapim një tjetër pikë doganore. Unë jam shumë besimplotë që me Malin e Zi do të bëjmë progres të shpejtë dhe të qëndrueshëm. Siç e theksova, është një fqinjësi pa asnjë hije, pa asnjë çështje të hapur, por e garantuar nga pakicat përkatëse. Më vjen mirë që me vëllezërit tanë në Malin e Zi, kemi mirëkuptim?, tha Rama.

Dy kryeministrat folën edhe për çështjen e refugjatëve, ku mohuan katgorikisht ngritjen e kampeve. /CNA.al





Lajmet e fundit nga