Dokument-“Rrëzohet” urdhëri i Bashës/ Dështojnë zgjedhjet e brendshme në PD

1 Korrik 2018, 14:41, Aktualitet CNA

Me datë 11.05.2018, kryetari i PD ?së Lulzim Basha ka nxjerrë një urdhër në lidhje me mbajtjen e zgjedhjeve në Partinë Demokratike.

Ajo që konstatohej në këtë proces është se për herë të parë, në historinë 27 vjeçare të PD ?së, ka një urdhër në lidhje me zgjedhjet e brendshme në PD.

Sikur të mos mjaftonte kjo formë arbitrariteti me urdhëra që ka zgjedhur Basha për të qenë në krye të PD ?së, skandali është thelluar më tej.

Procesi i ka afatet e përcaktuara dhe në urdhër janë nënvizuar procedurat për zgjedhjen e strukturave në bazë të PD-së, në nivel seksioni dhe grup seksioni dhe sipas statutit të ri.

Por, afatet nuk janë respektuar dhe për pasojë nuk janë zhvilluar zgjedhjet në PD.

Faktet

Afati për mbylljen e procesit zgjedhor është 45 ditë që i bie se me datë 30 qershor, duhej të kishin përfunduar zgjedhjet brenda PD-së.

Sipas udhërit të Bashës, grupi i punës mblidhet brenda datës 14 maj 2018 dhe merr masa për organizimin e procesit për çdo dege.

Dhe deri tani janë krijuar vetëm nëngrupet e punës, sipas afatit, që ishte 14 Maji 2018.

Brenda datës 7 Qershor 2018, duhej që të ishin mbyllur zgjedhjet në nivel grupseksioni, sipas pikës 5,c,iii, të urdhërit të Bashës, por kjo nuk ka ndodhur.

Thënë më qartë, tashmë ka përfunduar afati që duhej të zhvilloheshin zgjedhjet në Partinë Demokratike dhe urdhëri i Bashës ka dështuar të zbatohet.

Pas Kuvendit, pas udhëzimit dhe ndryshimeve në statut, duhej të kishin përfunduar zgjedhjet dhe rioorganizimi i plotë i PD ?së, në degë.

Pra, në të gjithë Shqipërinë nga data 30 qershor duhej të kishim zgjedhje të përfunduara brenda Partisë Demokratike si dhe duhej të ishin mbajtur Kuvendet.

CNA.al ka raportuar edhe me herët në lidhje me urdhërin skandaloz të Bashës. Urdhëri vërtet përcaktonte afatin 45 ditë për të përfunduar procesin, por vetë urdhëri ishte i paplotë, pasi nuk përcaktonte se si do bëhej zgjedhja e kryetarit të degës dhe kryesisë.

Procesi fillonte nga zgjedhjet në grupseksion pa verifikim të anëtarësisë aktuale. Ky verifikim mund të nxirrte numër më të vogël anëtarësh se votat e deklaruara për kryetar të PDSH-së në Korrik 2017.

Gjithashtu ky proces filloi me një sërë problematikash, si pa takime paraprake në seksione për të marrë propozime për kryetarë grupseksioni dhe për më tepër anëtarësia nuk ishte e njohur me urdhërin./CNA.al