E fundit!

12:05 Aktualitet

Protestat/ Balla: Dritan Goxhaj punon për regjimin iranian

Kreu i grupit parlamentar të PS-së Taulant Balla, në një d...

Ç'ndodhi me shoferin e Fatmir Xhafajt/ Detajet që vënë me "shpatulla pas murit" policinë

1 Korrik 2018, 19:33, Aktualitet CNA

Një ngjarje e rëndë tronditi opinionin publik një ditë më parë, pasi Shkëlzën Qordja, 31 vjeç, me detyrë shoferi i ministrit të Brendshëm, Fatmir Xhafaj u gjet i vrarë me armë zjarri në makinën e parkuar në garazhin e caktuar për mjetet e Ministrisë së Brendshme.

Në njoftimin zyrtar të Policisë së Shtetit u tha se ?Nga tërësia e veprimeve hetimore të kryera deri tani në vendin e ngjarjes, dyshohet se viktima është vetëvrarë, me armën e shërbimit.?

Ndërsa në disa media u aludua se shkak për vetëvrasjen ka qënë shkarkimi nga puna.

CNA.al zbuloi dje një detaj, i cili e hedh poshtë këtë version. Të paktën mund të themi që edhe nëse vërtetë është vetëvrarë, nuk ka qënë vetëvrasje për arsye financiare.

Në një foto të publikuar nga viktima në rrjetet sociale, shtetasi Shkëlzen Qordja mban në dorë një orë e cila kushton minimumi 15 mijë euro.

Sot është zbuluar një tjetër detaj tepër domethënës, që hedh poshtë vetëvrasjen e tij në kushte të rënduara psikologjike.

Top Channel ka zuluar se një natë para ngjarjes së rëndë, i ndjeri 31-vjeçar Shkëlzen Qordja, ka qenë në një nga lokalet e kryeqytetit në zonën e ish-Bllokut, duke festuar. Ky detaj është konfirmuar edhe nga të afërt të 31-vjeçarit, të cilët shprehen se kishte postuar edhe video në rrjetet sociale nga festa e zhvilluar.

Janë këto dy detaje, që ngrenë dyshime të forta se ajo që ka ndodhur, nuk është vetëvrasje. Edhe sikur të jetë vetëvrasje, pikërisht këto dy detaje, hedhin poshtë marrjen e një akti të tillë nga gjendja financiare apo psikologjike. Ai jo vetëm ka festuar me miqtë e tij, por edhe ka publikuar momente të festës në rrjetet sociale.

Shkëlzen Qordja u gjet i pajetë një ditë më parë nga të shtënat e një arme që u gjet në dorën e tij të djathtë dhe që kishte lëshuar një breshëri plumbash. /CNA.al

Foto-Shoferi i Xhafajt me orë 15 mijë euro/ Vrasje apo vetëvrasje?

Vrasja e shoferit të Fatmir Xhafajt/ Detaji që “rrëzon” qëndrimin e policisë