E fundit!

07:38 Ekonomi

Eurostat: 35% e shqiptarëve nuk përballojnë qiratë, faturat, pushimet, apo blerjen e rrobave të reja

Shqipëria është vendi me nivelin më të lartë të privimit t...

Ekskluzive-Nga "distancimi" me Kryemadhin tek "krisja" PD-LSI/ Flet deputeti Nasip Naço

1 Korrik 2018, 15:47, Aktualitet CNA

Mediet kanë raportuar herë pas here për një distancim të mundshëm të deputeti të Lëvizjes Socialiste për Integrim, Nasip Naço, nga forca në të cilën bën pjesë dhe kryetarja Monika Kryemadhi. Lidhur me këtë si dhe me qëndrimin e tij ndaj zhvillimeve të fundit politike në vend, CNA.al, ka zhvilluar një intervistë me deputetin e LSI.

Ai është shprehur se nuk ka distancim nga LSI apo Kryemadhi, ndërsa gjithë këtë ka quajtur si një çështje mediatike.

?Besoj se kjo është vetëm çështje mediatike. Pasi kam qenë dhe jam pjesë e Lëvizjes Socialiste për Integrim?, – është shprehur Naço.

I pyetur nëse ka një krisje marrëdhëniesh mes PD-LSI, ai u shpreh:

?Unë besoj se ne nuk kemi një marrëveshje. Jemi pjesë e një fronti opozitar ku janë dhe parti të tjera politike. Ndoshta disa qëndrime të disa deputetëve të LSI, por dhe të grupit parlamentar, po marrim dhe rastin e zotit Luan Rama, ku i bëri thirrje kryetarit të Kuvendit, të vendosë qetësinë në Kuvend, t?i japi mundësinë të gjithë deputetëve të shprehen dhe grupeve parlamentare, ishte një qëndrim luajal. Në një farë mënyre i hodhi dorashkën kryetarit të Parlamentit për të drejtuar seancën.?

Intervista e plotë e deputetit Nasip Naço

CNA.al: Është folur në media për distancimin tuaj nga LSI dhe Kryemadhi. Cili është komenti juaj sa të vërteta ka në këtë mes?

Nasip Naço: Besoj se kjo është vetëm çështje mediatike. Pasi kam qenë dhe jam pjesë e Lëvizjes Socialiste për Integrim.

Unë them se kam reaguar tjetër nga komentet e shtypit dhe fakti që bëj pjesë aktive në grupin parlamentar të LSI-së, mbuloj nga afër qarkun e Beratit, janë pjesë organike e saj, mund të them se nuk ka asgjë të vërtetë.

CNA.al: Si i komentoni ju veprimet e Kryemadhit dhe Bashës në Kuvend? Sa i mbështesni? Kujtojmë këtu rastin kur LSI ka braktisur Kuvendin dhe ju nuk jeni bashkuar.

Nasip Naço: Unë besoj se ne jemi dy parti të ndryshme. Dy mentalitete dhe dy filozofi të ndryshme. Secila mban qëndrimin e vet, qoftë në Komisione dhe qoftë në Kuvend. Personalisht në disa raste nuk jam pajtuar me qëndrimet që mban grupi parlamentar apo dhe në Komisionin e Ligjeve. Sepse kështu e mendoj dhe si pjesë të filozofisë së LSI.

Në shumë raste një pjesë e deputetëve të PD kanë dalë dhe unë kam qenë pjesë aktive e Komisionit. Sepse kështu e mendoj dhe si pjesë të filozofisë së LSI.

Ne nuk jemi vasalë të Partisë Demokratike. Kemi filozofi, kemi lidership, kemi marrë dhe 226 mijë vota në zgjedhjet e fundit edhe sigurisht që i falenderojmë të gjithë mbështetësit e LSI-së. Është një forcë politike që është rritur në çdo palë zgjedhje.

Në fjalën time në Kuvend që ditën e parë kam deklaruar se do të bëj një opozitë progresiste në Parlament, që është pjesë e mentalitetit dhe kulturës së secilit deputet dhe forcës që përfaqëson, sigurisht.

CNA.al: Zëra brenda PD-së, por edhe mediat në përgjithësi kanë raportuar për krisje të marrdhënieve PD-LSI. Si qëndron e vërteta? Keni ju një koment.

Nasip Naço: Unë besoj se ne nuk kemi një marrëveshje. Jemi pjesë e një fronti opozitar ku janë dhe parti të tjera politike. Ndoshta disa qëndrime të disa deputetëve të LSI, por dhe të grupit parlamentar, po marrim dhe rastin e zotit Luan Rama, ku i bëri thirrje kryetarit të Kuvendit, të vendosë qetësinë në Kuvend, t?i japi mundësinë të gjithë deputetëve të shprehen dhe grupeve parlamentare, ishte një qëndrim luajal. Në një farë mënyre i hodhi dorashkën kryetarit të Parlamentit për të drejtuar seancën.

CNA.al: LSI është shoqëruar herë pas here me largime këshilltarësh, por edhe të një deputeti, Robert Bitri. Pse po ndodh kjo në LSI? Ka lidhje kjo me veprimet e Kryemadhit?

Nasip Naço: Largimi i 1,2,3,5 apo 10 këshilltarëve nuk e trondit LSI-në. Gjithësecili është i hapur që të ndjekë qëllimet dhe interesat e veta politike. Në momente të caktuara ka dhe njerëz të dobët, të dobët domethënë që shohin interesin e tyre personal, më saktë presionet e shumta që bëhen nga mazhoranca në vendet e punës me të afërmit e tyre. Kur dhe ne si deputetë jemi në presion nuk na kanë lënë asnjë person në administratë. Personalisht, janë me dhjetëra miq dhe persona të mi të familjes që janë hequr nga administrata. E kemi kthyer në çështje personale. Kjo është presioni që bën mazhoranca dhe mendon që do ti nënshtrojë një pjesë të anëtarëve simpatizantë të LSI-së, duke arritur qëllimin me gishtat e dorës, por nuk mendoj se kjo është ideja më e mirë që të ndjekë mazhoranca ndaj një pjese të opozitës.

CNA.al: Miliona euro të kapura në portin e Durrësit, vunë në shenjestër deputetin socialist Taulant Balla, si garant të sasisë sekuestruar, nga ana e PD dhe konkretisht Basha. Keni dijeni për këtë fat si pjesë e opozitës dhe cili është qëndrimi juaj?

Nasip Naço: Është një debat që është bërë dhe në Kuvend midis të dyve. Nuk kam informacionion e duhur dhe për aq kohë sa nuk kam informacione plus nga ai i medieve nuk mund të bëj komente mbi komente, apo të nënvlerësoj apo mbivlerësoj institucionet e specializuara të shtetit që në çdo rast do të bëjnë punën e tyre të pandikuar nga fjalët e njerit, apo pretendimet e tjetrit.