web counter
LEXO PA REKLAMA!

SHKARKO APP

App Store
Google Play

Rama dhe Peleshi në Voskopojë/ Prezantojnë projektin “100 fshatrat”

30 Qershor 2018, 17:37, Aktualitet CNA

Në vijim të turit të llogaridhënies publike, kryeminsitri Edi rama së bashku me ministrin e Bujqësisë, Niko Peleshim pasditen e sotme janë ndalur në Voskopojë, ku kanë prezantuar projektin ?100 fshatrat?.

Rama tha se qeveria ka angazhuar të gjitha strukturat e nevojshme për të bërë të mundur realizimin e këtij projekti, për të cilin është ngritur edhe një grup pune.

Sipas kreut të qeverisë, grupi i punës është ngritur për të formuar një akademi për 100 fshatrat ku po bashkëpunohet edhe me fakultete të tjera.

?Edhe në këtë fshat do të ketë investime. Kemi ngritur një grup pune për këtë program. Janë bërë bashkë të gjitha agjensitë shtetërore që lidhen me zhvillimin e territorit edhe ministritë e linjës. Është ngritur një bërthamë e akademisë së 100 fshatrave, ku do bashkëpunojmë me fakultete të ndryshme të artiktekturës dhe të tjera struktura universitare.?-është shprehur kryeministri Rama.

Nga ana tjetër,ministri Peleshi ka sqaruar se skema do të zgjerohet dhe do të përfshihen më shumë fshatra.

?Kemi të ftuar të gjithë kryetarët e bashkive. Fshatrat janë me potencial, çdo bashki ka të tillë. Të tjerë fshatra do t?i bashkohen listës. Ka një dallim sesi jemi sjellë deri dje me zhvillimin rural. Aq sa na mban takati, mund të rezultojë një shifër miliarda euro, por mund të arrijmë të bëjmë aq sat ë prekim nervin e zhvillimit. Voskopoja nuk është rastësi, është bërë vetë. Deri para 3-4 vitesh s?ka patur qasje për t?u bërë fshat me potencial, por vetë banorët ia dolën duke ofruar shërbime.?-tha ministri Peleshi.





Lajmet e fundit nga