Ekskluzive-Negociatat/ Bregu “shuplakë” Bashës

30 Qershor 2018, 09:18, Aktualitet CNA

Ish-Ministrja e Integrimit, Majlinda Bregu, në një intervistë ekskluzive për CNA.al, është shprehur optimiste në lidhje me vendimin e BE-së për negociatat.

Sipas saj një vit pauzë, nuk do të thotë mos hapje të negociatave, por përgatitje dhe shoshitje të detyrave.

?Pra, nuk kemi humbje kohe, as do të jetë një vit pauzë, por përgatitje, shoshitje e detyrave, formalizim i ekipit negociator edhe pse hapja formale pritet të jetë në Qershor 2019. Dhe të lutem të paktën jini ju të medias të qartë. Nuk e pres këtë nga ata që as e kuptojnë, as shohin dot larg hundës së tyre?, ka thënë Bregu.

Indirekt dhe me diplomaci Bregu ka shenjëstruar kreun e PD ?së Lulzim Basha, i cili vijon ta interpretojë vendimin e BE-së, si mos hapje të negociatave.

?Personalisht kam përsëritur në çdo dalje publike, prej këtij fillim viti që Qershori 2018 është i pamundur për çelje negociatash. Duhet të jesh miop e ta marrësh mendjen tënde për kufirin e botës, që të refuzosh të lexosh se në ç?gjendje ankthi është sot Europa dhe sa e vështirë është të flitet për zgjerim të saj, kur në çdo vend themelues të saj po rriten në numër e degjohen më shumë ata që nuk e duan Europën me më shumë vende anëtare?, ka thënë Bregu.

Ajo më tej ka përsëritu,r se Shqipërisë do të duhej t?i ishin hapur negociatat me kohë si një garanci për monitorim të çdo etape, reforme të kryer apo të pakryer, shkelje të ligjit e probleme madhore që ne kemi me sundimin e ligjit, konfliktin politik, luftën kundër krimit të organizuar, korrupsionit e plot probleme të tjera.

Më tej Bregu ka hedhur poshtë deklaratat e Opozitës, e cila këmbëngul se Shqipërisë i janë shtuar kushte të reja nga BE-ja.

?I gjithë procesi i integrimit bazohet në kushtëzim të vazhdueshëm. Detyrat për Shqipërinë ose kushtet po të doni, do të jenë në një progresion rritës dhe madje do të vijojnë edhe pas anëtarësimit me qëllim arritjen dhe mbajtjen e standarteve europiane në çdo fushë. Rumania dhe Bullgaria janë anëtarësuar ne 2007 dhe akoma është në fuqi mekanizmi i kontrollit dhe verifikimit post anëtarësim?, ka thënë Bregu.

Sipas ish-Ministres së Integrimit, për një opozitë serioze shtimi i kushteve apo detyrimeve ndaj Qeverisë duhet të jetë lajmi më i mirë.

?Nëse nuk arrin vetë të kontrollojë Qeverinë, ca se s?dinë e ca se s?duan, le të falënderojnë institucionet europiane dhe vendet anëtare për monitorimin e shtuar ndaj Qeverisë. A nuk ishte ky motivi kryesor i lobimit pro për çeljen e negociatave?!?, është shprehur në tej Bregu./CNA.al