Paratë e pista/ “Basha të merret me urgjencë në pyetje”

30 Qershor 2018, 08:05, Aktualitet CNA

Deputeti Spartak Braho, ish-kryetar i Komisionit për Sigurinë Kombëtar nuk ka dyshimet se kryetari i opozitës, Lulzim Basha, ka dekonspiruar aksionin policor për bllokimin e 3.4 milionë eurove që po transportoheshin ilegalisht në Shqipëri dhe kapjen e autorëve të krimit.

Në një reagim për Shqiptarja.com, Braho është shprehur se organi i akuzës duhet të marrë me urgjencë Lulzim Bashën në pyetje, për të shpjeguar deklaratat e tij.

?Pa dyshim që jemi para një ngjarjeje shumë të rëndë. Është e domosdoshme që organi i prokurorisë të fillojë menjëherë hetimet dhe veç të tjerave, të thërrasë me urgjencë Lulzim Bashën për të shpjeguar deklaratën e tij. Zvarritja e procedurave hetimore ose mundësia e fshehjes së provave nga autorët rrezikon hetimin. Shpresoj dhe besoj se këto rrethana prokurorët e çështjes do t?i vlerësojnë me objektivitet dhe paanshmëri pa u tërhequr dhe ndikuar nga ndërhyrjet dhe presionet, që jam i bindur se do të ketë mbi ta?, ka thënë deputeti i PS Spartak Braho

Ish-kryetari i Komisionit për Sigurinë Kombëtar shton se çështja më e rëndësishme që shtrohet është se kush e informoi Lulzim Bashën për ngarkesën me euro. Sipas tij, Basha dekonspiroi ndjen dhe hetimin e autorëve kryesorë.

Dekonspirimi i operacionit policor është tashmë evident. Ka një autor që është shfaqur publikisht si i tillë. Dhe ky është Lulzim Basha, i cili me deklaratën e tij në Kuvend ka pohuar dijeninë për ekzistencën e një grupi kriminal që do të transportonin nga Belgjika në Shqipëri disa milionë euro në rrugë të paligjshme, ndërkohë që janë bërë të njohura lidhjet e tij nëpërmjet fotove me të afërm të ngushtë të këtij grupi, të cilët janë shpallur në kërkim si autorët e dyshuar të transportit klandestin të 3.4 milionë eurove.

?Me deklaratën e tij para përfundimit të operacionit policor për arrestimin e autorëve, Basha dekonspiroi ndjekjen dhe hetimin e këtij grupi kriminal dhe fshehjen e autorëve kryesorë të tij. Çështja shtrohet se nga kusht u vu në dijeni Lulzim Basha për këtë transport, ndjekjen, hetimin dhe gjurmimin e tij nga Policia e Shtetit? Kjo rrethanë duhet hetuar dhe këtë fakt për rrjedhjen e sekretit mund ta shpjegojë vetëm Basha. Tashmë ka një denoncim dhe një akuzë nga Taulant Balla në prokuroi për këtë çështje?, ka thënë më tej deputeti Spartak Braho.