web counter
LEXO PA REKLAMA!

SHKARKO APP

App Store
Google Play

Atentati në ‘Kinostudio’/ Zbardhen pistat e hetimit dhe dëshmia e të plagosurit

30 Qershor 2018, 07:07, Aktualitet CNA

I riu, Juxhin Mumajesi i cili u plagos me armë zjarri mbrëmjen e së mërkurës në zonën e ‘Kinostudios’ është marrë në pyetje nga policia, pas përmirësimit të gjendjes shëndetësore.

I pyetur nga policia lidhur me ngjarjen, i riu ka deklaruar se nuk ka parë asgjë dhe nuk e di motivin se pse këta të fundit qëlluan me armë.

?Nuk pashë asgjë, ishin vetëm dy persona që hapën zjarr nuk e di kush janë dhe nuk e di motivin pse na kanë qëlluar?, është shprehur i riu.

Por sipas hetuesve dyshohet që Mumajesi nuk pranon të flasë, teksa pritet që dy të plagosurit e tjerë të merren në pyetje, pas përmirësimit të gjendjes së tyre shëndetësore.

Burime nga grupi hetimor për gazetën ?SOT? bënë me dije se dhe të plagosurit i janë përgjigjur me armë autorëve, të fundit këta të cilët janë larguar me një makinë të zezë, ku kanë qenë dy persona me maska që i kanë pritur në mjet.

Mësohet se dy janë pistat ku policia po kryen hetimet. Pista e parë është ajo e prishjeve të pazareve të drogës dhe një borxhi të pashlyer mes dy grupeve. Një pistë tjetër mbi të cilën po heton policia është vijimi i konfliktit i marsit të 2017 ku i plagosur në krah mbeti Eduard Duka, ndërsa thuhet se një nga vëllezërit Mumajes, Rivelino, ishte i përfshirë.

Kujtojmë këtu se në prill të 2017-ës u plagos rëndë Eduart Duka në zonën e ?Kinostudios? dhe sipas policisë dhe prokurorisë së Tiranës, autorët ishin kushërinjtë e të dëmtuarit, Leonard dhe Erlis Duka. Në këtë ngjarje u përfshi edhe Rivelino Mumajesi. Mësohet se Mumajesi kishte shoqëri të ngushtë me dy atentatorët Duka, ndërsa prokuroria ngriti dyshime të forta se, ai mund t?i kishte ndihmuar ata, në largimin e shpejtë ose në fshehjen e armës së krimit apo motorit tip ?Papaq?.

Mbrëmjen e së mërkurës kanë mbetur të plagosur në zonën e ?Kinostudios? shtetasit me iniciale J.M 26 vjeç, R.M 36 vjeç dhe I.D 28 vjeç, pasi u qëlluan nga dy persona të paidentifikuar. /CNA.al





Lajmet e fundit nga