Ekskluzive-Vendimi i BE-së, për negociatat/ Majlinda Bregu tregon tre aspektet pozitive

30 Qershor 2018, 08:57, Aktualitet CNA

Vendimi i 28 qershorit i BE ?së, për Shqipërinë, apo siç njihet ndryshe vendimi për negociatat, e ka ndarë klasën politike në dy pjesë.

Qeveria e shikon gotën gjysmë plot dhe i quan të hapuara negociatat, ndërsa opozita e sheh gjysëm bosh, duke e komentuar vendimin e BE ?së si dështim të Qeverisë.

Ndërsa pozitë-opozitë janë përfshirë në një ?luftë të ftohtë?, Sekretarja e Përgjithshme e Këshillit të Bashkëpunimit Rajonal, Majlinda Bregu, në mënyrë të thukët ka analizuar të gjithë procesin.

Në një intervistë ekskluzive për CNA.al, Bregu ka sqaruar se çfarë nënkupton vendimi i 28 qershorit i BE për Shqipërinë.

Sipas Bregut, vendimi i Këshillit të çështjeve të përgjithshme të BE, konfirmoi tre çështje. Së pari rrugën e hapur të perspektivës europiane për Shqipërinë dhe Maqedoninë, së dyti, një datë si dhe së treti, instrumentat e nevojshëm për të përmbushur detyrat paraprake për hapjen e negociatave në Qershor 2019.

?Procesi i parë që kryhet pas vendimit për hapjen e nevociatave është procesi ?screening?- ekzaminimi i nivelit të përafrimit të legjislacionit shqiptar me atë të BE. Është faza përgatitore e çeljes së negociatave gjatë së cilës përcaktohen edhe fushat problematike për secilin nga 35 kapitujt që do të negociojmë. Pra një kapitull hapet në bazë të ?screening? – ekzaminimit, dhe mbyllet kur janë plotësuar problemet që ?screening? ka evindentuar?, ka thënë Bregu për CNA.al.

Sipas Bregut, këtë detyrë Shqipëria do ta fillojë menjëherë pa pritur Qershorin 2019.

?Ky mund të mos jetë element i rëndësishëm për artikulim a manipulim politik, por është i rëndësishëm se i siguron administratës shqiptare vazhdimësinë pa ndërprerje të këtij procesi. Vendit i jep ?vettingun? e legjislacionit në fuqi:) Procesi ?screening? zakonisht zgjat 12 muaj, pra korespondon me Qershorin 2019?, ka sqaruar më tej Bregu.

Më tej Bregu qartëson se muk kemi hapje të negociatave, por datën për hapjen potenciale të tyre. ?Detyrat të cilat teknikisht duhet të fillojnë pas hapjes zyrtare të negociatave, Shqipëria do t?i fillojë menjëherë?, është shprehur Bregu./CNA.al