“Gjyqtari i Krimeve të Rënda në krah të Tahirit”/ Zbulohet dhurata për Sokol Binaj

25 Qershor 2018, 10:26, Aktualitet CNA

Ish-Ministri i Brendshëm Saimir Tahiri, duket se i ka ndarë gjyqtarët dy kampe. Të paktën ky është perceptimi i opinionit publik, referuar vendimeve të Gjykatës së Shkallës së Parë dhe Gjykatës së Apelit për Krime të Rënda.

Kujtojmë se në paraqitjen e fundit në Gjykatën e Apelit për Krime të Rënda, ish-ministri i Brendshëm Saimir Tahiri doli triumfues ndaj kërkesës së Prokurorisë për ta lënë në arrest shtëpie.

Një nga gjyqtarët që nxori fitues Tahirin ishte Sokol Binaj, i cili bashkë me kolegun e tij Fehmi Petkun, dolën kundër gjyqtares Saida Dollani.

Në vendimin për lirimin e ish-ministrit, gjykata ka argumentuar se Tahiri nuk përbën rrezik ikje apo fshehje ndaj hetimit. Sipas Binajt dhe kolegut të tij ish-ministri me humbjen e funksioneve të tij, nuk përbën rrezik për prishjen e provave duke cënuar fatin e hetimeve.

Gjithsesi rasti ?Tahiri?, është ende nën hetim, pavarësisht vendimit të Gjykatës së Apelit.

CNA.al do të sjellë deklaratën e pasurisë së gjyqtarit Sokol Binaj, i cili burim të të ardhurash ka vetëm pagën e tij dhe të bashkëshortes-komshije në Prokurorinë e Krimeve të Rënda.

Gjyqtari Binaj ka një apartament 77,97 m2, që ia ka dhuruar motra, por nuk ka deklaruar se sa është vlera e tij.

Ai thotë se apartamenti i është dhuruar një vit më parë dhe konkretisht me datë 28. 05.2017, gjithnjë referuar kontratës së dhurimit.

Dhurimi ka ndodhur pikërisht në një kohë kur procesi i Vettingut kishte filluar të ?ziejë? në gjykata dhe prokurori.

Në atë periudhë gjyqtarët dhe prokurorët nisin aksionin për të mbuluar paratë dhe pasuritë që mund t’i nxirrnin zbuluar.

Pasuria e deklaruar nga gjyqtari Sokol Binaj

Apartament me sipërfaqe 77,97 m2, dhuruar prej motrës në bazë të kontratës së dhurimit, nënshkruar me datë 28 05.2017, regjistruar në ZVRPP Tirane, më datë 3.07.2017.

Te ardhura të realizuara nga paga ime si Gjyqtar në Gjykatën e Apelit për Krime të Renda Tirane janë në shumën 1 517 890 lekë.

Të ardhura të realizuara nga paga e bashkëshortes si Kancelare në Prokurorinë e Shkallës Parë për Krime te Renda, Tiranë në shumën l 170 938 lekë.

Të ardhura të realizuara nga Shkolla e Magjistratures si udhëheqës temë për vitin 201 7, në shumën 31 875 lekë./CNA.al