Lehtësite fiskale për agroturizmin/ Peleshi jep lajmin e mirë

25 Qershor 2018, 11:35, Aktualitet CNA

?Agroturizmi tani trajtohet si një hotel me 5 yje, në kuptimin e lehtësirave fiskale?. Kështu ka deklaruar, ministri i Bujqësisë dhe Zhvillimit Rural, z. Niko Peleshi nga fshati Vreshtas, në qarkun e Korçës. Në fjalën e tij ministri Peleshi ka nxitur fshatarët e kësaj zone, por dhe të gjithë banorët e zonave rurale me potenciale turizmi, të investojnë në këtë sektor të ri, që është agroturizmi, që sipas ministrit është kthyer sot në një nga ?trendet e zhvillimit rural? në Shqipëri. Në mbledhjen e fundit qeveria shqiptare miratoi një paketë fiskale, me lehtësira të shumta për agroturizmin, duke ulur TVSH-në nga 20 % në 6 %. Dhe taksën e tatim-fitimit nga 15 % në 5 %. Ne këtë prizëm dhe taksa që paguhet për një ndërtim të ri, taksa e ndikimit në infrastrukturë u bë zero.

?Para dy ditësh kemi miratuar, në mbledhjen e qeverisë disa lehtësi fiskale shumë të mëdha. Agroturizmi tani trajtohet si një hotel me 5 yje, në kuptimin e lehtësirave fiskale. TVSH-ja u bë nga 20 % në 6 %. Ajo taksa e tatim-fitimin u bë nga 15 % që e ka një ndërmarrje normale, u bë 5 %.?

Ministri ka premtuar gjithashtu dhe mbështetje për prodhimet tipike të zonave, të cilat sipas tij krijojnë të ardhura të shtuara në ekonominë familjare, duke nxitur krijimin e punishteve të vogla, që përveç të tjerave do të shërbejnë dhe si burim burim punësimi, kryesisht për gratë e zonave rurale.

Deklarata e plotë

Ata që e kanë modernizuar në një farë mënyre bujqësinë, mbjellin kultura me më shumë të ardhura, natyristht përfitojnë më shumë. Por dhe kjo nuk mjafton. Atëherë çfarë duhet të bëjmë? Duhet të shtojmë dhe disa aktivitete të tjera në fshat. Unë po flisja për produkte tipike të zonës. Nuk ka fshat, që të mos ketë prodhime tipike, prodhime tradicionale, sidomos në zonën tonë, por dhe në shumë zona të Shqipërisë. Shqipëria është shumë e larmishme, në gastronomi, në kulinari. Ne kemi petkat, kemi dromkat, kemi rakinë e fshatrave, kemi reçelërat, kemi lloj-lloj produktesh, të cilat shiten si shiten. Shiten me çmim shumë të ulët, nuk i nxjerr dot në treg, sepse nuk janë të formalizura.

Shiten me një ambalazh shumë të keq, shumë të shëmtuar, gjë që bën që çmimi të jetë shumë i ulët. Sikur ne t?i mbështesim fshat pas fshati, këto lloji aktivitetesh, gratë e fshatit prodhojnë një gjë, për të cilin dallohet një fshat i caktuar, t?i mbështesim me punishte të vogla, ku produktet janë në standarde më të mira higjenike, të mbështesim ambalazhimin, t? i mbështesim t?i nxjerrin në treg, t?i shesin nëpër dyqane, duke formalizuar pikërisht këtë rrugë, por pa paguar taksa, siç paguan industria, sigurojmë një të ardhur të shtuar në fshat. Ka shumë fshatra në zonën tuaj, që kanë shumë mundësi të rrisin agroturizmin. Agroturizmin, besoj e keni dëgjuar, dhe do ta dëgjoni gjithmonë e më shumë.

Është sot moda, moda e re e biznesit. Para dy ditësh kemi miratuar, në mbledhjen e qeverisë disa lehtësi fiskale shumë të mëdha. Agroturizmi tani trajtohet si një hotel me 5 yje, në kuptimin e lehtësirave fiskale. TVSH-ja u bë nga 20 % në 6 %. Ajo taksa e tatim-fitimin u bë nga 15 % që e ka një ndërmarrje normale, u bë 5 %. Edhe taksa që paguhet për një ndërtim të ri, taksa që paguhet në Bashki, taksa e ndikimit në infrastrukturë që quhet, u bë zero. Le ta rindërtojmë së bashku besimin, që përmes bujqësisë dhe disa aktiviteteve të tjera plotësuese në fshat, mund ta bëjmë realitet atë që e kanë thënë pa përjashtim në 27 vjet të gjithë politikanët./ CNA.al