E fundit!

19:46 Politikë

“Këshilli Kombëtar, kozmetikë e Berishës”/ Spaho: PD do e ketë të pamundur të jetë rivale e PS

Ish-nënkryetari dhe ish-deputeti i PD-së Edmond Spaho ka k...

Zbulohet doktoresha që kreu abortin e Kostandina Anagnostit/ Si mbylli një klinikë e hapi një tjetër (dokumentet)

18 Qershor 2018, 19:09, Aktualitet CNA

Raimonda Çondi është doktoresha e cila kreu abortin e Kostandina Anagnostit, 16 vjeçares nga Saranda e cila gjeti vdekjen në rrethana misterioze më 14 nëntor të vitit 2014.

Por ndërsa mjekët shqiptarë ?lanë duart? me skandalin që mbërtheu opinionin publik duke pohuar se “vdekja ishte natyrale”, janë autoritetet greke ato të cilat po i shkojnë deri në fund kësaj çështjeje për të vënë drejtësi.

Avokati Ndue Pjetra i cili drejton ?Shoqata e Avokatëve Antikorrupsion Shqiptare? dhe ka angazhuar dedektivë privatë në funksion të kësaj çështjeje thotë se Raimonda Çondi është pikërisht doktoresha që taksisti Spiros Papas çoi Kostandina Anagnostin për abort, raporton newsbomb.al. Në klinikën e saj, në qendër të Sarandës, 16 vjeçarja i është nënshtruar abortit. Në shtetin shqiptar, hetimet u mbyllën me shpejtësi për mungesë provash, por në Greqi, në Janinë dhe Athinë, mjekoligjorët vunë re se vajza ishte masakruar, duke i hequr trurin, mitrën, paramitrën, gjuhën, laringun, me një krim barbar.

Sipas QKB, doktoresha, pas vdekjes së adoleshentes, ka pezulluar dhe mbyllur klinikën e saj në janar të vitit 2015, pra dy muaj pas vdekjes së Kostandina Anganostit.

Aktualisht, Raimonda Çondi është mjeke në pension por kjo nuk e ka penguar të ushtrojë aktivitetin e saj. Kështu, ajo ka hapur një klinikë të re, përballë me zyrat e ALUIZNI-t, në Sarandë, mëson newsbomb.al.

Redaksia e newsbomb.al u interesua pranë ministrisë Shëndetësisë lidhur me këtë fakt. Zyrtarë nga MSH thanë për newsbomb.al se po verifikohet rasti i klinikës së mjekes Raimonda Çondi dhe se janë duke u marrë detaje të hollësishme rretj këtij rasti.

Historia

Vajza jetonte me të emën dhe bashkëjetuesin e saj. Dhe siç tregon avokati shqiptar Ndue Pjetri, po vinte në Shqipëri me Spiros Papas për të abortuar në një klinikë private në Sarandë, sepse në shtetin grek nuk bënte abort meqënëse kishte kaluar tre muaj shtatzani. Po as në Shqipëri kjo nuk lejohet, ndaj kanë shkuar në një klinikë private. Kostandina ishte vajza e dy prindërve të ndarë. Nëna bashkëjetonte me taksixhiun, ndërsa babai ka vazhduar jetën e tij i martuar sërish.
Faktet e reja

?Klinika private ndodhet 50 metra larg gjykatës së Sarandës? thotë avokati Ndue Pjetri që ka angazhuar dedektivë privatë në këtë çështje për të zbardhur të vërtetën.

Menjëherë sapo lajmi u bë public, qytetarët e Sarandës kanë filluar të komentojnë. Që nga viti 2014 klinika private për të cilën flet avokati ekziston akoma, dhe janë dy doktoresha që punojnë, ku pas punës në shtet, shkojnë edhe në klinikë private.

Neësbomb.al disponon emrat e tyre, por deri në përfundim të hetimeve, nuk do të nxjerrin emrat e tyre derisa drejtësia të thotë fjalën e saj për mjeken që ka kryer abortin në mënyrë të jashtëligjshme, c?ka ka cuar në vdekjen e vajzës dhe më pas në masakrimin e saj.

Avokat Ndue Pjetri shton në intervistën e tij në TCH, se në këtë klinikë, brenda 7 viteve, kanë ndodhur pesë vdekje, ç?ka i jep skandalit përmasa më të mëdha.

Ndërkohë që mjekoligjorët grekë kanë nxjerrë të dhënat se vogëlushja ishte masakruar, në Shqipëri, mjeksia ligjore deklaroi se vdekja ka ardhur nga shkaqe natyrale. E kush do të mbajë përgjegjësi për këtë krim makabër që po zbardhet nga drejtësia greke dhe jo ajo shqiptare???