web counter
LEXO PA REKLAMA!

SHKARKO APP

App Store
Google Play

Krimi horror në Sarandë/ Babai i ish-ministres së Ramës drejt burgut?

18 Qershor 2018, 18:58, Aktualitet CNA

Një krim horror është ai që ka ndodhur ndaj një 16-vjeçareje në Sarandë rreth 4 vite më parë.

16-vjeçarja Kostandina Anagnosti, e cila humbi jetën më 14 nëntor të vitit 2014, po rezulton se është masakruar, përkundër asaj që pretendohej në akt-ekspertimin mjekoligjor. Është drejtësia greke e cila po punon për zbardhjen e plotë të kësaj ngjarjeje, ndërsa disa ditë më parë u vu në pranga Spiros Papas, taksisti që shoqëroi vajzën në Sarandë dhe më pas e dërgoi në spital të vdekur.

Mjekët ligjorë në Shqipëri pas akt-ekspertimeve e nxorën vdekjen e 16 vjeçares ?vdekje natyrale? por mjekoligjorët në Janinë dhe Athinë të Greqisë thanë se vajza ishte masakruar, duke i hequr trurin, mitrën, paramitrën, gjuhën, laringun, me një krim barbar.

Një tjetër hap lidhur me këtë çështje është marrë në 11 shtator 2015, ku Shoqata e Avokatëve Antikorrupsion të Shqipërisë drejtuar nga avokati Ndue Pjetra, i cili është angazhuar në këtë çështje duke punësuar edhe dedektivë privatë, kallëzoi penalisht në Prokurorinë e Tiranës 4 mjekë të Institutit të Mjekësisë Ligjore duke i akuzuar se kanë kryer ekspertime të rreme e fshehur prova. Ishin pikërisht këta mjekë ekspertë që firmosën për “vdekjen natyrale” të vajzës nga Saranda.

Për këtë rast, Shoqata e Avokatëve ka kërkuar procedim për katër mjekët që kanë marrë pjesë në aktekspertim, të cilët janë: Prof. dr. Elmas Shaqiri, dr. Zija Ismaili, dr. Admir Sinoimati, prof. Fatos Harito,  të katër ekspertë pranë Institutit të Mjekësisë Ligjore.

Por ajo që mund të përbëjë interes akoma më të madh për lexuesin është se prof. Fatos Harito është babai i ish-ministres së Inovacionit në qeverinë ?Rama 1?, Milena Harito.

Lidhur me këtë rast, babai i ish-ministres, pra Fatos Harito është shprehur në sallën e gjyqit se nuk i ka parë dokumentet që ka firmosur dhe e ka bërë një gjë të tillë nisur nga fakti që kishin firmosur edhe 3 mjekët e tjerë të Mjekësisë Ligjore. /CNA.al





Lajmet e fundit nga