web counter
LEXO PA REKLAMA!

SHKARKO APP

App Store
Google Play

E fundit!

x

"Çudit" Vangjush Dako/ 170 milionë për mobilim zyrash, 41 milionë për ujrat e zeza

12 Qershor 2018, 18:06, Aktualitet CNA

Një tjetër sipërmarrje të “çuditëshme” ka ndërmarë Vangjush Dako, kryebashkiaku i Durrësit, i përfolur për shumë të tilla nga media. Sikurse publikon “Pamfleti.net”, ndërkohë që ka shpenzuar  plot 170 milionë lekë, pa iu dridhur dora për mobilim zyrash, po i njejti Vangjush Dako është i ?kursyer? kur vjen puna për një investim në shërbim të qytetit që drejton për tre mandate me radhë.

Fjala është për impiantin e pastrimit të ujrave të zeza të qytetit turistik për të cilin ka akorduar vetëm 41 milionë lekë. Katërfish më pak se sa paratë që ka akorduar për mobilimin e zyrave të bashkisë dhe luksin për vete dhe bashkëpunëtorët, shënon “Pamfleti”, duke komentuar:

“Eshtë kohë sezoni turistik dhe plazhi, ndërkohë që qytetarët durrsakë dhe ata të shumtë që vijnë nga Tirana dhe Kosova në vend që të shijojnë detin dhe bukuritë e bregdetit shqiptar, janë të detyruar të shijojnë ?aromën? e ujrave të zeza që nuk largohen. Kështu, pavarësisht se hedh lekë pak për pastrimin e ujrave të zeza, Vangjush Dako hap tenderin për këtë shërbim për largimin e ujrave të zeza dhe pret që ofertat të mbërrijnë deri më datën 18 qershor të këtij viti.

Kushedi sa zgjat përzgjedhja e ofertës më të mirë të këtij 41 milion lekëshi për të larguar ujrat e zeza, ndërkohë që menjëherë sapo të shpallet fituesi afati i ekzekutimit të kësaj kontrate është dy muaj maksimumi.

Pra me gjithë vonesat në përzgjedhjen e kompanisë fituese për largimin e ujrave të zeza dhe afatit ligjor për përmbushjen e kontratës, i bie që nëse respektohen strikt të gjitha afatet kohore, largimi i ujrave të zeza të përfundojë andej nga mesi i shtatorit apo fillimi i tetorit. Pra, Vangjush Dako bën një tender për të larguar ujërat e zeza nga Durrësi turistik pikërisht  kur ka përfunduar sezoni”, komenton “Pamfleti…”.





Lajmet e fundit nga