web counter
LEXO PA REKLAMA!

SHKARKO APP

App Store
Google Play

Tentohet vrasja e politikanit/ Akuzon bashkëpartiakët si autor të goditjes

12 Qershor 2018, 17:30, Aktualitet CNA

Politikani i sulmuar mbrëmjen e djeshme ka akuzuar rivalët e tij bashkëpartiak si autorë të goditjes me shufra hekuri me qëllimin e vetëm për ta eliminuar fizikisht, duke i akuzuar si të zhytur në kriminalitet dhe punë mafioze.

Sikurse ka raportuar “Tetova Sot”, ish kryetari i Këshillit të komunës së Shuto Orizarës në Shkup, nga radhët e LSDM-së, Gege Demirovski, ka akuzuar rivalët e tij bashkëpartiak se e kanë sulmuar mbrëmë me shufra hekura duke dashur ta vrasin, shkruan Fakte. Ai ka thënë se ata që e kanë sulmuar janë zhytur në kriminalitet dhe punë mafioze, prandaj ai u pengon.

Rastin e ka paraqitur në polici personalisht Demirovski i cili pret, siç thotë, që institucionet të ndërmarrin masa. Në të kundërt ai vet do të ndërmerr masa. Sipas tij, rasti ka ndodhur në lagjen e Topanës në Çair.

Ndryshe, Gege Demirovski, së bashku me Kurto Dudush, ishin dy figurat kyçe të LSDM-së në Shutkë në zgjedhjet e fundit, si dhe njerëzit më të besueshëm të krerëve të kësaj partie Zaev, Spasovski dhe Zekiri.

Pasi fituan zgjedhjet, në të cilat Dudush u zgjodh kryetar komune, ndërsa Demirovski u emërua Kryetar i këshillit komunal. Mirëpo pas pak kohe, plasi sherri mes tyre dhe këshilli shkarkoi Demirovskin ndërsa në vend të tij emëroi gruan e kryetarit Dudush.

Lidhur me ngjarjen kriminale ndaj politikanit Policia ende nuk e ka kualifikuar zyrtarisht këtë incident si tentim vrasje, raporton “Tetova Sot”.





Lajmet e fundit nga