web counter
LEXO PA REKLAMA!

SHKARKO APP

E fundit!

x

Marrëveshja Trump-Jong un/ Basha: Siguri për paqen në botë

12 Qershor 2018, 15:09, Aktualitet CNA

Pas marrëveshjes së firmosur nga presidenti i SHBA-ve, Donald Trump me Kim Jong un për denuklearizimin e Koresë së Veriut, ka reaguar kreu i Partisë Demokratike Lulzim Basha.

Në një postim në rrjetet sociale, Basha shkruan se nënshkrimi i kësaj marrëveshjeje është një hap i sigurtë për sigurinë dhe paqen e botës.

?Takimi midis Presidentit te SHBA Donald J. Trump dhe Kryetarit te Korese se Veriut Kim Jong Un, nënshkrimi i deklarates se perbashket dhe nisja e procesit te paqes dhe denuklearizimit te Gadishullit Korean eshte nje ngjarje e nje rendesie madhore per paqen dhe sigurine ne bote.

Hapja e ketij procesi paqeje dhe carmatimi ne rajonin e nje nder konflikteve me te medha, te gjata e te pergjakura te globit perben nje sukses historik te jashtezakonshem te presidentit te SHBA, Donald J. Trump.

Presidenti i SHBA demonstroi para mbare botes se civilizuar se forca e paqes dhe e diplomacise eshte e pathyeshme kur udhehiqet nga besimi i vendosur dhe veprimi i guximshem?.

Më tej Basha shkruan se përshëndet këtë lëvizje të Trump, ndërsa ka vlerësuar se aleancen e vlerave atlantike dhe partneritetin.

?Ne emer të Partise Demokratike pershendes SHBA dhe presidentin Trump per kete arritje te permasave globale, me vlera themelore per zhvillimet nderkombetare boterore.

Partia Demokratike dhe une jemi krenare dhe totalisht te perkushtuar ne aleancen e vlerave atlantike dhe partneritetin strategjik me SHBA nen lidershipin e presidentit Trump, si partneritet jetik dhe i pazevendesueshem per ndertimin e nje bote me te sigurte, ne paqe, te lire dhe demokratike?. /CNA.al





Lajmet e fundit nga