E fundit!

17:32 Politikë

Zbulohet propozimi i PS-së për Reformën Territoriale/ Ja në sa bashki pritet të ndahet vendi

Mbledhja e Komisionit të Posaçëm për Reformën Administrati...

Gjermania “shuplakë” Ramës/ Jo, hapjes së negociatave?

11 Qershor 2018, 16:08, Aktualitet CNA

?Kushti për hapjen e negociatave për anëtarësim është që vendet e Ballkanit Perëndimor të përmbushin plotësisht kriteret e duhura. Por kjo nuk ka ndodhur as në reformën në drejtësi, as në luftën kundër korrupsionit ? veçanërisht korrupsion të rangut të lartë ? as në luftën kundër krimit të organizuar, pra në asnjë nga kriteret kryesore?, kështu është shprehur numri dy i partisë së Kancelares Merkel në CDU/CSU, Dr. Johann David Wadephul një intervistë për ?Opinion?, teksa ka folur për situatën politike në Shqipëri dhe shanset për hapjen e negociatave

Wadephul ka shprehur qartazi qëndrimin e Gjermanisë, aspak të favorshëm për Shqipërinë sa i përket çeljes së negociatave.

?Si pjesë e reformës në drejtësi, vetëm pak nga rreth 800 gjyqtarë dhe prokurorë u janë nënshtruar të ashtuquajturit vetting.

Së paku, duhet të përfundojë plotësisht verifikimi i gjyqtarëve dhe prokurorëve.Gjyqtarëve dhe prokurorëve të cilëve u janë vërtetuar vepra të dënueshme në procesin e verifikimit duhet të jenë subjekt i procedimeve penale.

Duhet të fillojë puna dhe funksionimi i Gjykatës Kushtetuese, të Gjykatave të instancave të larta dhe SPAK -ut. Kultivimi i kanabisit ra në mënyrë drastike në vitin 2017. Në të njëjtën kohë, megjithatë, është rritur trafikimi i drogës, dhe kundra kësaj duhet luftuar në mënyrë të qëndrueshme dhe vazhdueshme?.

Më tej Wadephul ka thënë se zyrtarët e lartë në adminidtarëatë janë marrë në kundërshtim me ligjin, ndërsa e ka vënë theksin tek Reforma në Drejtësi të cilën e ka quajtur një shpërfillje nga ana e qeverisë shqiptare për OSBE dhe BE.

?Zyrtarë të lartë në ministritë dhe drejtoritë e administratës publike u rekrutuan direkt pa konkurs, në kundërshtim me ligjin e shërbimit civil. Kjo është thyerje e ligjit dhe duhet të korrigjohet. Përveç kësaj, që nga viti 2013, OSBE dhe BE kanë kërkuar reformë zgjedhore, por asgjë nuk ka ndodhur që atëherë ? kjo është një shpërfillje e madhe ndaj OSBE dhe BE! Parlamenti shqiptar duhet të miratojë reformën zgjedhore në përputhje me planin e saj të punës deri në fund të vitit 2018. Ky është një kusht i domosdoshëm për ne deputetët, në mënyrë që të mund të votojmë pro hapjes së negociatave?, u shpreh Wadephul. /CNA.al