E fundit!

12:17 Aktualitet

Vrasja e efektivit/ Berisha: Vrasësi financohej nga fonde shtetërore

Kreu i PD-së Sali Berisha ka reaguar në lidhje me detajet ...

Hetimet ndaj Adriatik Llallës/ Dështon Donika Prela ?

11 Qershor 2018, 11:56, Aktualitet CNA

Ish-kryeprokurori Adriatik Llalla nuk do t?i nënshtrohet procesit të Vettingut.

Vendimi është marrë sot nga Komisioni i Posaçëm i Apelimit, i cili la në fuqi vendimin e Komisionit të Pavarur të Kualifikimit.

Në KPA, çështjen e kishte dërguar Komisioneri Publik, i cili pretendonte se dorëheqja e Llallës nuk ishte e ligjshme.

Por, sot, Kolegji i Posaçëm i Apelimit me shumicë votash vendosi që të ndërpriritet procesi i rivlerësimit për Adriatik Llallën si dhe ndalimin e emërimit të tij, gjyqtar, prokuror apo anëtar i KLD-së për një periudhë prej 15 vitesh.

Pas vendimit avokati Sokol Hazizaj, i cili përfaqësonte ish-kryeprokurorin ka thënë, se me këtë vendim ka fituar ligji dhe se reforma prodhoi suksesin e parë.

Ndërsa i pyetur për hetimet që po zhvillohet ndaj Adriatik Llallës nga Krimet e Rënda, Hazizaj është deklaruar se nuk ka asnjë informacion edhe pse është interesuar.

Hazizaj mohon të ketë dijeni për zhvillim hetimesh ndaj Llallës, edhe pse Prokuroria e krimeve të Rënda ka njoftuar zyrtarisht opinionin publik, për këtë rast.

Më 11 maj 2018, Prokuroria e Krimeve të Rënda njoftoi regjistrimin e çështjes penale për 3 akuza, ?shpërdorim detyre?, ?mos deklarim në kufi? dhe ?deklarim të rremë të pasurisë?.

Adriatik Llalla, ish-kreu i akuzës në 17 dhjetor la detyrën për t?u vënë në lupën e KPK-ës si personi që abuzoi me detyën.

24 orë nga emërimi në postin e kreut të Krimeve të Rënda, Donika Prela caktoi prokurorin dhe lancoi nisjen e hetimeve ndaj Adriatik Llallës për tre, nga 4 akuza për të cilat ai dyshohej.

Prokurori i çështjes Llalla është, mësohet se është Klodian Braho.

Por, nisur nga vendimi i sotëm i KPA ?së, të gjitha gjasat tregojnë se Adriatik Llalla do të lërë me gisht në gojë, pasardhësen e tij Arta Marku dhe drejtuesen e Krimeve të Rënda Donika Pela.

Hetimet do të mbeten thjesht në kuadrin e hetimeve, sa për të thënë dhe Adriatik Llalla me qetësi dhe dashuri do të vijojë jetën e tij në Gjermani.

Nga ana tjetër, e gjithë kjo katrahurë do të konsiderohet një dështim për drejtuesen e Krimeve të Rënda, e cila me bujë ?përplasi këmbët?, sapo shkeli në zyrën e ish-kryeprokurorit Besim Hajdarmataj./CNA.al