web counter
LEXO PA REKLAMA!

SHKARKO APP

App Store
Google Play

Audio-Përgjimi Xhafaj/ Akt-ekspertimi në duart e Krimeve të Rënda

11 Qershor 2018, 12:50, Aktualitet CNA

Më 14 maj, tre deputetë të Partisë Demokratike publikuar një audio-përgjim, i cili sipas tyre implikon vëllain e ministrit të Brendshëm, Fatmir Xhafaj, në trafikun e drogës.

Por sipas vetë Agron Xhafajt, zëri në audio-përgjim nuk është i tij.

Pas publikimit të audio-përgjimit, materiali është dërguar me letërporosi ga Prokuroria për Krime të Rënda për ekspertim në shtetin italian.

Kështu, do të jetë analiza shkencore, ajo që do të tregojë autenticitetin e materialit.

CNA.al, mëson se ekspertiza ka përfunduar dhe prokurori i çështjes ?Xhafaj?, është nisur drejt Italisë për të marrë akt-ekspertimin.

Më herët Prokuroria e Krimeve të Rënda pati njoftuar  se po kryehen veprime hetimore brenda dhe jashtë vendit, lidhur me Agron Xhafën.

?Nga biseda e bërë publike midis dy personave, njëri i cilësuar si ?Bashkëpunëtori X? dhe një personi tjetër i supozuar si shtetasi Agron Xhafaj (vëllai i Ministrit të Brendshëm, Fatmir Xhafaj) është treguar se bashkëpunëtori është ndihmuar nga shtetasi Agron Xhafaj për të siguruar një sasi kanabisi për ta trafikuar. Hetimet po kryen nga një grup hetimor i përbërë nga dy prokurorë dhe dy oficerë të policisë gjyqësore të Prokurorisë së Krimeve të Rënda, Tiranë. Janë duke u kryer veprime hetimore të gjithanshme brenda dhe jashtë vendit. Po kështu është dërguar për ekspertim materiali i videopërgjimit në laboratorë ndërkombëtarë jashtë vendit. Gjithashtu njoftojmë se ka filluar dhe kryerja e verifikimeve pasurore për shtetasin Geron Xhafaj, i ditëlindjes 08.06.1975, me kombësi dhe shtetësi shqiptare, lindur dhe banues në Vlorë?, thuhet në njoftimin e Prokurorisë./CNA.al





Lajmet e fundit nga