web counter
LEXO PA REKLAMA!

SHKARKO APP

App Store
Google Play

FOTO - Korça në "shtetrrethim"/ Si po dëmtohet imazhi i Korçës turistike

3 Qershor 2018, 16:48, Aktualitet CNA

Prej kohësh, Korça është kthyer në një nga pikat me atraksionin më të madh turistik, për turizmin malor. Por ndonëse policia duhet të ndihmojë në rritjen e turistëve dhe sigurimin e qetësisë dhe rehatisë së turistëve, është kthyer në një makth.

Hyrja për në qytetin e Korçës, në fshatin Çiflig, është kthyer në një postbllok policor, duke u bërë kështu edhe prezantimi i parë i turistëve me Korçën. Ky postbllok që qëndron prej muajsh a thua se Korça është qytet nën rrethim, por dëmton shumë imazhin e një qyteti si Korça, ku veçse ofron një turizëm malor me një natyrë të mrekullueshme është edhe qyteti i “mësonjëtores së parë shqipe”.

Me një postbllok policie vendosur në fshatin Çiflig prej muajsh, me policë të armatosur gjer më dhëmbë, qyteti me turistik, me atraksionin më të madh të turistëve që zgjedhin malin për fundjavë, është bërë me një doganë të dytë, krahas asaj që e lidh me Greqinë. Një postbllok presioni dhe terrori që nuk ka asnjë justifikim por qëndron prej muajsh.

Ne e inkurajojmë policinë që të bëjë detyrën, por jo të shkatërrojë imazhin e qytetit të mësonjëtores. Hajdutët apo kriminelët që duan të ikin, e dinë se atje ka postbllok dhe nuk i shkojnë si në gojën e ujkut, pasi ka disa rrugë të tjera, nga të cilat mund të largohen të pashqetësuar nga policia e stacionuar në Çiflig. Policia në vend që të mbajë këtë postbllok dhe të nxisë frikë, le të bëjë detyrën e saj. /CNA.al





Lajmet e fundit nga