web counter
LEXO PA REKLAMA!

SHKARKO APP

E fundit!

x

Lufta kundër terrorizmit/ Princi i Jordanisë në Tiranë

3 Qershor 2018, 14:11, Aktualitet CNA

Tirana do të jetë nën masa të larta sigurie, pasi do të presë të hënën krerët e disa qeverive të Ballkanit së bashku me Princin e Jordanisë. Lufta kundër terrorizmit është tema që do të trajtohet në këtë takim, ndërsa mësohet se delegacionet do të priten nga Kryeministri i Shqipërisë, Edi Rama në kuadër të Aqaba Meeting, ose Takimet e Akabës, një iniciativë e Mbretit të Jordanisë, Abdullah, njofton Tch, që për herë të parë organizohet jashtë vendit të tij që prej themelimit në vitin 2015.

Vetë Mbreti Abdullah i Jordanisë ishte parashikuar që të vinte në Tiranë për të marrë pjesë në bisedimet dhe takimet kundër terrorizmit, por zhvillimet e brendshme në Jordani, duket se kanë ndryshuar planet e tij dhe në Shqipëri pritet të mbërrijë një këshilltar i Mbretit, princi Ghazi Bin Muhammad, raportojnë mediat vendase.

Takimi në Tiranë pritet të ndiqet nga 200 pjesëmarrës, politikanë, ekspertë sigurie, liderë fetarë dhe akademikë. Lufta ndaj ekstremizmit të dhunshëm është një nga tryezat e organizuara së bashku nga Qeveria e Shqipërisë dhe ajo e Holandës.





Lajmet e fundit nga